1 Samuel 20:13 - Yn Vible Casherick 1775 1819

¹³ Dy jean y Chiarn myr shen as ny smoo rish Jonathan: agh my te ayns cree my ayrey dy yannoo olk dhyt, eisht neem’s shen y hoilshaghey dhyt, as oo y choyrt ersooyl, dy vod oo goll ayns shee: as dy row’n Chiarn mayrt, myr v’eh marish m’ayr.

1 Samuel 20:13 ပူးပေါင်းရင်းမြစ်များ

2 Samuel 19:13

As abbyr-jee rish Amasa, Nagh vel uss jeh my chraue, as jeh my eill? Dy jean Jee myr shen rhym’s, as ny smoo neesht, mannagh bee uss ard-chaptan y cheshaght-chaggee aym’s choud’s bio oo, ayns ynnyd Yoab.

2 Samuel 3:35

As tra haink y pobble dy gherjaghey David, as dy ghoaill beaghey mârish er y laa cheddin, ren David breearrey, gra, Myr shen as ny smoo dy jean Jee rhym’s, my neem’s arran ny nhee erbee elley y ghoaill, roish lhie ny greïney.

2 Samuel 7:15

Agh my vyghin cha goym voish, myr ghow mee veih Saul, eshyn ren mee scughey veih dt’eddin.

1 Reeaghyn 1:37

Myr ta’n Chiarn er ve marish my hiarn yn ree, eer myr shen dy row eh marish Solomon, as e stoyl-reeoil y yannoo ny s’pooaral na stoyl-reeoil my hiarn ree David.

1 Reeaghyn 19:2

Eisht hug Jezebel chaghter gys Elijah, gra, Shen myr lhig da ny jeeghyn jannoo rhym’s, as ny smoo na shen, mannagh der-yms er dty vioys dy ve myr bioys unnane jeusyn, mysh y traa shoh mairagh.

1 Reeaghyn 20:10

As hug Ben-hadad fys huggey, as dooyrt eh, Myr shen dy jean ny jeeghyn rhym’s, as ny smoo neesht, my nee joan Samaria shirveish son lane duirn da ooilley’n pobble ta ec my voynyn.

1 Recortyssyn 22:11

Nish my vac, yn Chiarn dy row mayrt; as gow er dty hoshiaght lesh aïgh mie, as trog thie yn Chiarn dty Yee, myr t’eh er ghra, my-dty-chione.

1 Recortyssyn 22:16

Dy airh, argid, prash, as yiarn, erskyn earroo. Trog ort, er-y-fa shen, as gow er dty hoshiaght, as y Chiarn dy row mayrt.

Noo Mian 28:20

Gynsaghey daue dy reayll dy chooilley nhee cre-erbee ta mish er chur ayns sarey diu: as cur-my-ner, ta mish mêriu kinjagh, eer gys jerrey yn theihll. Amen.

Philippianee 4:9

Ny reddyn shen ta shiu chammah er n’ynsaghey as er n’ghoaill roo, as er chlashtyn, as er vakin aynym’s, jean-jee ad y chooilleeney: as bee Jee yn chee mêriu.

Joshua 1:5

Cha bee dooinney erbee abyl dy hassoo royd ooilley laghyn dty vea: myr va mee marish Moses, shen myr bee’m mayrt’s: cha jean-ym failleil, ny treigeil oo.

Ruth 1:17

Raad yioys [oo] baase, yioyms baase, as shen y raad bee’m oanluckit: shoh as ny smoo dy der y Chiarn orrym, my nee veg agh y baase scarrey uss as mish.

1 Samuel 10:7

As hig eh gy-kione, tra hig ny cowraghyn shoh ort, dy jean uss gymmyrkey oo-hene myr vees feme rish; son ta Jee mayrt.

1 Samuel 14:47

Myr shen ghow Saul yn reiltys harrish Israel, as ren eh caggey noi ooilley e noidyn er dy chooilley heu, noi Moab, as noi cloan Ammon, as noi Edom, as noi reeaghyn Zobah, as noi ny Philistinee: as cre-erbee yn raad hyndaa eh, hooar eh yn varriaght.

1 Samuel 17:37

Dooyrt David ny-sodjey, Yn Chiarn ren mish y livrey ass croag y lion, as veih croag y vuc-awin, eshyn nee m’y livrey ass laue yn Philistine shoh. As dooyrt Saul rish David, Gow er dty hoshiaght, as y Chiarn dy row mayrt.

1 Samuel 18:12

As va Saul ayns aggle roish David, er-yn-oyr dy row’n Chiarn mârish, as dy row eh er hreigeil Saul.

1 Samuel 19:3

As hem’s magh as shass-ym liorish my ayr ’sy vagher raad t’ou follit, as loayr-ym rish m’ayr my-dty-chione; as cre-erbee yioym magh insh-ym dhyt.

1 Samuel 20:12

As dooyrt Jonathan rish David, O Hiarn Yee Israel, erreish dou v’er gheddyn magh aigney my ayrey traa erbee mairagh, ny nuyr, as cur-my-ner, my ta foayr ry-hoi David, as mannagh der-ym eisht fys hood, as shen y hoilshaghey dhyt.

1 Samuel 20:14

As cha jean oo ny-lomarcan, choud as ta mee foast bio, soilshaghey dou kenjallys y Chiarn, nagh bee’m er ny choyrt gy-baase;

1 Samuel 25:22

Myr shen as na smessey neesht dy jean Jee rish noidyn Ghavid, my aag-yms dooinney bio mygeayrt dty hie derrey soilshey’n voghrey.)

1 Samuel 3:17

As dooyrt eh, Cre shen ta’n Chiarn er ghra rhyt? ta mee guee ort, ny keill eh voym’s: dy jean Jee myr shen rhyt, as ny smoo neesht, my nee oo fockle hene y cheiltyn voym jeh ooilley ny dooyrt eh rhyt.