1 Samuel 20:1 - Yn Vible Casherick 1775 1819

¹ As chossyn David roish veih Naioth ec Ramah, as haink eh, as dooyrt eh rish Jonathan, Cre ta mee er n’yannoo? cre ta my loght? as cre ta my pheccah kiongoyrt rish dty ayr, dy vel eh shirrey my vioys?

1 Samuel 20:1 ပူးပေါင်းရင်းမြစ်များ

Psalmyn 54:3

Son ta joarreeyn er n’irree seose m’oï: as ta tranlaasee nagh vel Jee oc roish nyn sooillyn shirrey lurg my vioys.

2 Corinthianee 1:12

Son shoh nyn moggey, feanish nyn gooinsheanse, ayns ônid, as ynrickys crauee, cha nee lesh creenaght seihltagh, agh liorish grayse Yee, dy vel shin er n’ymmyrkey shin hene ’sy theihll, as foddey smoo ny mast’ euish.

2 Peddyr 2:9

Ec y Chiarn ta fys kys dy livrey yn sleih crauee ass seaghyn, as dy reayll ny mee-chrauee gys laa ny briwnys dy ve er nyn gerraghey:

1 Ean 3:21

My chaarjyn, mannagh vel nyn gree dy nyn gheyrey, eisht ta dunnallys ain dy hayrn er-gerrey gys Jee.

1 Samuel 12:3

Cur-jee my-ner, ta mee ayns shoh: jean-jee feanish y ymmyrkey m’oï kiongoyrt rish y Chiarn, as kiongoyrt rish e er-ooilit: quoi veih ta mee er ghoaill dow? ny quoi veih ta mee er ghoaill assyl? ny quoi ta mee er volley? ny quoi er ta mee er n’yannoo tranlaase? ny quoi veih ta mee er ghoaill leagh erbee dy gholley my hooillyn lesh? as nee’m lhiasaghey diu er y hon.

1 Samuel 19:1

As loayr Saul rish Jonathan e vac, as rish ooilley e phobble, ad dy varroo David.

1 Samuel 19:18

Er shoh chossyn David ersooyl lesh e vioys, as haink eh gys Samuel ec Ramah, as dinsh eh da ooilley ny va Saul er n’yannoo rish: as hie eh-hene as Samuel, as ren ad cummal ayns Naioth.

1 Samuel 20:2

As dooyrt eh rish, Ny lhig eh Jee: cha bee uss er ny choyrt gy-baase: cur-my-ner, cha jean m’ayr nhee erbee y yannoo, lhig da ve mooar ny beg, nagh n’insh eh dooys: as cre’n-fa yinnagh m’ayr yn red shoh y cheiltyn voym? cha vel eh myr shen.

1 Samuel 20:32

As dreggyr Jonathan Saul e ayr, as dooyrt eh rish, Cre’n-fa vees eh er ny stroie? cre’n foill t’eh er n’yannoo?

1 Samuel 24:11

Ny-sodjey, my ayr, jeeagh er shoh, jeeagh eer er skyrt dty choamrey ayns my laue: son liorish dy yiare mee jeh skyrt dty choamrey, as nagh ren mee oo y varroo, foddee oo toiggal as goaill tastey nagh vel olk ny drogh-yannoo ayns my laue, as nagh vel mee er yannoo peccah dt’oï; ny-yeih t’ou shelg son my vioys dy ghoaill eh.

1 Samuel 24:12

Dy jean y Chiarn briwnys eddyr mish as uss, as lhig da’n Chiarn cooilleeney ’ghoaill ort: agh er my hon’s, cha bee my laue ort.

1 Samuel 24:17

As dooyrt eh rish David, T’ou uss ny s’cairal na ta mish: son t’ou er chooilleeney mie dooys, son yn olk ren mish kiarail dt’oï’s.

1 Samuel 24:9

As dooyrt David rish Saul, Cre’n-fa t’ou geaishtagh rish goan deiney, gra, Cur-my-ner, ta David shirrey dty assee?

1 Samuel 26:18

As dooyrt eh, Cre’n-fa ta my hiarn myr shoh geiyrt er e harvaant? son cre ta mee er n’yannoo? ny cre’n olk t’ayns my laue?