1 Samuel 2:9 - Yn Vible Casherick 1775 1819

⁹ Nee eh coadey cassyn e nooghyn, as bee ny mee-chrauee nyn dhost ayns dorraghys; son liorish niart cha vow dooinney erbee yn varriaght.

1 Samuel 2:9 ပူးပေါင်းရင်းမြစ်များ

Lioar Yob 18:18

Bee eh er ny eiyrt veih soilshey gys dorraghys, as er ny imman ass y theihll.

Lioar Yob 40:13

Follee ad ayns y joan dy cheilley, as coodee nyn eddin ayns dorraghys.

Lioar Yob 5:16

Myr shen ta treishteil ec y voght, as ta beeal mee-chairys ny host.

Lioar Yob 5:24

As bee fys ayd dy vel dty chabbane ayns shee; as hig oo stiagh ayns dty hie, as cha jed oo er-shaghryn.

Psalmyn 1:6

Shen-y-fa cha vod ny mee-chrauee shassoo ayns y vriwnys: chamoo ny peccee ayns chaglym y sleih ynrick.

Psalmyn 105:37

Va Egypt lane dy voggey tra jimmee ad rhymboo: son v’ad ayns aggle roue.

Psalmyn 121:3

Cha lhig eh da dty chass dy v’er ny scughey: as cha jean eshyn cadley ta dt’endeil.

Psalmyn 121:5

Ta’n Chiarn hene dt’endeilagh: ta’n Chiarn dty niart er dty laue yesh.

Psalmyn 121:8

Freillee yn Chiarn dty gholl magh as dty heet stiagh: veih’n traa shoh magh er son dy bragh.

Psalmyn 145:20

Ta’n Chiarn coadey adsyn ooilley ta graihagh er: agh skeayley dy lhean ooilley ny mee-chrauee.

Psalmyn 31:17

Ta my hraa ayns dty laue; livrey mee veih laue my noidyn: as vouesyn ta jannoo tranlaase orrym.

Psalmyn 37:28

Son shynney lesh y Chiarn shen ny ta cairagh: cha vel eh treigeil e vooinjer chrauee hene, agh t’ad er nyn goadey er son dy bragh.

Psalmyn 94:18

Agh tra dooyrt mee, Ta my chass er skyrraghtyn: ren dty vyghin’s, O Hiarn, mish y chummal seose.

Psalmyn 97:10

O shiuish ta graihagh er y Chiarn, jeeagh-jee dy der shiu dwoaie da’n olk: ta’n Chiarn coadey anmeenyn e nooghyn; nee eh ad y livrey veih laue ny mee-chrauee.

Raaghyn Creeney 16:9

Ta cree dooinney kiarail ro-laue: agh shee yn Chiarn ta reill e chesmadyn.

Raaghyn Creeney 2:8

T’eh dy reayll ny kesmadyn dy vriwnys, as coadey raad e nooghyn.

Raaghyn Creeney 3:26

Son bee yn Chiarn dty varrantagh, as nee eh freayll dty chass veih’n ribbey.

Ecclesiastes 5:17

Ooilley e laghyn myrgeddin, goaill e veaghey ayns dorraghys, as t’echey mooarane trimshey, as sou-aigney lesh e hingys.

Ecclesiastes 9:11

Ghow mee smooinaght elley, as honnick mee fo’n ghrian, nagh row yn race lesh y vieau, ny’n caggey lesh y niartal, ny foast arran ec deiney creeney ny foast berchys ec deiney tushtagh, ny foast foayr ec deiney schleioil; agh ta traa as taghyrt cheet orroo ooilley.

Isaiah 27:3

Mish y Chiarn ta freayll eh; nee’m gushtaghey eh dy kinjagh; nagh jig assee erbee er, freill-ym arrey er oie as laa.

Isaiah 47:5

Soie uss dty host, as stiagh oo ayns dorraghys, O inneen ny Caldeanee: son cha bee oo ny smoo enmyssit, Ard-lady ny reeriaghtyn.

Jeremiah 8:14

Kys dy vel shin soie myr shoh? chaggle-jee shiu hene, as lhig dooin cosney stiagh gys ny ard-valjyn voallit, as lhig dooin ve nyn dhost ayns shen; son ta’n Chiarn nyn Yee er choyrt shin nyn dhost, as er chur dooin ushtey galley dy iu, er-yn-oyr dy vel shin er n’yannoo peccah noi’n Chiarn.

Jeremiah 9:23

Myr shoh ta’n Chiarn dy ghra, Ny lhig da’n dooinney creeney boggyssagh ass e chreenaght, chamoo lhig da’n dooinney niartal boggyssagh ass e niart, ny lhig da’n dooinney berchagh boggyssagh ass e verchys:

Nahum 1:8

Agh lesh thooilley niartal ver eh jerrey bollagh er yn ynnyd echey, as nee dorraghys geiyrt da e noidyn.

Zephaniah 1:15

Ta’n laa shen, laa dy yymmoose, laa dy hrimshey, as dy arkys, laa dy hraartys as toyrt-mow, laa dy ghorraghys as dy ghrooid, laa dy vodjallyn as dorraghys dullyr,

Zechariah 4:6

As dreggyr eh, as loayr eh rhym, gra, Shoh goo yn Chiarn gys Zerubbabel, gra, Cha nee liorish niart ny pooar, agh liorish my spyrryd, ta Chiarn ny flaunyssee dy ghra.

Earrooyn 6:24

Dy jean y Chiarn dty vannaghey, as dty reayll:

Noo Mian 8:12

Agh bee cloan y reeriaght er nyn yiooldey magh gys y dorraghys sodjey mooie: ayns shen vees keayney as snaggeraght feeacklyn.

Romanee 3:19

Nish ta fys ain cre-erbee ta’n leigh dy ghra, te dy ghra roosyn ta fo’n leigh: dy vod dagh beeal ve ny host, as dy vod ooilley’n seihll ve oolee fenish Yee.

Deuteronomy 33:3

V’eh graihagh er e phobble; ta ooilley e nooghyn ayns dty laue: as hoie ad sheese ec dty chassyn; nee ad ooilley goaill-rish dty ghoan.

1 Peddyr 1:5

Ta er nyn vendeil liorish pooar Yee trooid credjue gys saualtys, aarloo dy ve er ny hoilshaghey ec y laa jerrinagh.

2 Peddyr 2:17

T’ad shoh chibbraghyn fegooish ushtey, bodjallyn eebrit lesh dorrin, nyn gour ta’n chay dy ghorraghys freilt er son dy bragh.

Jude 1:1

Jude sharvaant Yeesey Creest, as braar Yamys, hucsyn ta er nyn gasherickey liorish Jee yn Ayr, as er nyn goadey ayns Yeesey Creest, as er nyn eam:

Jude 1:13

Tonnyn freanagh yn aarkey, keshal magh yn nearey oc hene; rollageyn rouail, daue ta kiarit yn dooid dy ghorraghys son dy bragh.

Jude 1:3

Chaarjyn, tra va mish ayns lane imnea dy scrieu hiuish mychione y taualtys cadjin, ve ymmyrchagh dooys dy scrieu hiu, as dy choyrlaghey shiu dy jeean dy hassoo seose son y chredjue va un cheayrt er ny livrey da ny nooghyn.

1 Samuel 25:26

Nish er-y-fa shen, my hiarn, myr ta’n Chiarn bio, as myr ta dty annym bio, fakin dy vel y Chiarn er dty lhiettal veih cheet dy gheayrtey fuill, as veih cooilleeney ’ghoaill lesh dty laue hene, nish lhig da dty noidyn, as adsyn ta shirrey olk y yannoo da my hiarn, ve myr Nabal.