1 Samuel 2:8 - Yn Vible Casherick 1775 1819

⁸ T’eh troggal seose y boght ass y joan, as goaill yn jeirkagh veih’n thorran, dy hoiaghey ad mastey princeyn as dy chur daue stoyl dy ghloyr son eiraght: son lesh y Chiarn ta pillaryn y thallooin, as t’eh er hoiaghey yn seihll orroo.

1 Samuel 2:8 ပူးပေါင်းရင်းမြစ်များ

Genesis 41:14

Eisht hug Pharaoh fys, as deïe eh son Joseph, as hug ad lhieu eh chelleeragh ass y dungeon: as ghow eh yn aasaag jeh hene; as ren eh e choamrey y chaghlaa, as haink eh fenish Pharaoh.

Genesis 41:40

Bee uss harrish my hie, as cordail rish dty raa, bee ooilley my phobble er nyn reill: ayns y stoyl-reeoil ny-lomarcan, beem’s ny syrjey na uss.

2 Samuel 7:8

Nish er-y-fa shen, myr shoh jir oo rish my harvaant David, Myr shoh ta’n Chiarn dy heshaght-flaunyss gra, Ghow mish oo veih ny bwoailtchyn keyrragh, veih goaill kiarail jeh ny kirree, dy ve fer-reill harrish my phobble Israel.

1 Reeaghyn 16:2

Son wheesh as dy hrog mee oo seose veih’n joan, as er n’yannoo jeed prince harrish my phobble Israel, as t’ou uss er hooyl ayns raad Yeroboam, as er hayrn my phobble Israel gys peccah, dy vrasnaghey mee gys corree lesh nyn beccaghyn;

2 Reeaghyn 9:6

As dirree eh, as hie eh stiagh mârish; as gheayrt eh yn ooil er e chione, as dooyrt eh rish, Myr shoh ta’n Chiarn Jee Israel dy ghra, Ta mish er dty ooilaghey dy ve ny ree harrish pobble y Chiarn, eer harrish Israel.

Lioar Yob 1:21

As dooyrt eh, Rooisht haink mee ass breïn my vayrey, as rooisht chyndaa-ym reesht gys yn ooir: yn Chiarn ren coyrt, as ta’n Chiarn er ghoaill ersooyl; bannit dy row ennym y Chiarn.

Lioar Yob 2:8

As ghow eh shlig chrockan dy screebey eh-hene; as hoie eh sheese fud y leoie.

Psalmyn 102:25

T’ou uss, Hiarn, ayns y toshiaght er hoiaghey undin y thallooin: as ta ny niaughyn obbyr dty laueyn;

Psalmyn 104:5

T’eh er hoiaghey undinyn y thallooin: nagh bee eh ec traa erbee er ny scughey.

Psalmyn 107:41

Ny-yeih t’eh cooney lesh y voght ass e heaghyn: as bishaghey’n lught-thie echey myr shioltane keyrragh.

Psalmyn 24:2

Son t’eh er hoiaghey eh er ny faarkaghyn: as er hickyraghey eh er ny thooillaghyn.

Psalmyn 75:3

Tra hig chaglym-cooidjagh y phobble reesht ayns m’enish: nee’m briwnys cordail rish cairys.

Psalmyn 75:4

Ta’n seihll annoon, as ooilley e cummaltee: mish ta gymmyrkey seose ny pillaryn eck.

Psalmyn 75:7

Son cha vel stayd ard cheet veih’n niar, ny veih’n neear: ny foast veih’n jiass.

Ecclesiastes 4:14

Son ass pryssoon t’eh cheet dy reill, as t’eshyn ta ruggit ayns e reeriaght cheet gys boghtynid.

Isaiah 22:23

As ver-ym shickyrys da myr croan ayns boayl sauchey; as bee echeysyn stoyl gloyroil ayns thie e ayrey.

Daniel 2:48

Eisht ren y ree ny ghooinney ooasle jeh Daniel, as hug eh da ymmodee giootyn mooarey, as hug eh da yn reill harrish slane rheam Vabylon, as yn ard-chiannoortys harrish ooilley deiney-creeney Vabylon.

Daniel 4:17

Ta’n chooish shoh liorish oardaghey ny arreyderyn, as y yeearree liorish goo ny flaunyssee, dy vod ny bioee toiggal, dy vel y Jee smoo syrjey reill ayns reeriaght deiney, as dy choyrt eh dauesyn saillish hene, as soiaghey harrish ny moodjeenyn s’inshley dy gheiney.

Daniel 6:3

Eisht va’n Daniel shoh soit erskyn ny ard-reiltee as ny princeyn, er-yn-oyr dy row spyrryd erskyn-towse toiggalagh aynsyn; as chiare y ree dy hoiaghey eh harrish y slane rheam.

Hebrewnee 1:3

Myr v’eh sollyssid e ghloyr, as eer co-chaslys e phersoon, as cummal seose dy chooilley nhee liorish goo e phooar, tra v’eh liorish hene er ghlenney ersooyl ny peccaghyn ainyn, hoie eh sheese er laue yesh yn ard-ooashley ayns yn yrjid:

Jamys 2:5

Toig-jee, my vraaraghyn ghraihagh, Nagh vel Jee er reih boghtyn y theihll shoh, berchagh ayns credjue, as eiraghyn y reeriaght t’eh er ghialdyn dauesyn ta graihagh er?

Ashlish 1:6

As ta er n’yannoo shin reeaghyn as saggyrtyn gys Jee as e Ayr; dasyn dy row gloyr as reill son dy bragh as dy bragh. Amen.

Ashlish 22:5

As cha bee oie edyr ayns shen, as cha vel ad feme cainle, chamoo soilshey’n ghrian; son ta’n Chiarn Jee coyrt soilshey daue: as nee ad reill son dy bragh as dy bragh.

Ashlish 3:21

Dasyn ta geddyn y varriaght low-yms dy hoie mârym er my stoyl-reeoil, myr hooar mish myrgeddin yn varriaght, as ta mee er hoie sheese marish my Ayr er y stoyl-reeoil echeysyn.

Ashlish 5:10

As t’ou er n’yannoo shin da’n Jee ain, reeaghyn as saggyrtyn: as nee mayd reill er y thalloo.

1 Samuel 15:17

As dooyrt Samuel, Tra v’ou imlee ayns dty hooillyn hene, nagh r’ou jeant yn ard-chaptan er tribeyn Israel, as ren y Chiarn uss y ooilaghey dy ve dty ree harrish Israel?