1 Samuel 2:7 - Yn Vible Casherick 1775 1819

⁷ Ta’n Chiarn jannoo boght, as jannoo berchagh: t’eh cur fer sheese, as soiaghey seose fer elley.

1 Samuel 2:7 ပူးပေါင်းရင်းမြစ်များ

2 Reeaghyn 9:6

As dirree eh, as hie eh stiagh mârish; as gheayrt eh yn ooil er e chione, as dooyrt eh rish, Myr shoh ta’n Chiarn Jee Israel dy ghra, Ta mish er dty ooilaghey dy ve ny ree harrish pobble y Chiarn, eer harrish Israel.

1 Recortyssyn 29:12

Voïd’s ta chammah berchys as ooashley cheet, as t’ou reill harrish ooilley, as ayns dty laue ta pooar as troshid, as ayns dty laue te dy hoiaghey seose, as dy choyrt niart da ooilley.

2 Recortyssyn 32:27

As va Hezekiah erskyn-towse berchagh as onnoroil: as ren eh thieyn-stoyr son argid, as son airh, as son claghyn costal, as son spiceyn, as son eilley-caggee, as son dy chooilley horch dy yewellyn aalin;

2 Recortyssyn 32:29

Marish shoh hrog eh da hene ard-valjyn, as va echey ymmodee shioltaneyn, as shellooyn ayns palchey: son va Jee er choyrt da ymmodee cooid-seihlt.

Lioar Yob 1:21

As dooyrt eh, Rooisht haink mee ass breïn my vayrey, as rooisht chyndaa-ym reesht gys yn ooir: yn Chiarn ren coyrt, as ta’n Chiarn er ghoaill ersooyl; bannit dy row ennym y Chiarn.

Lioar Yob 40:12

Jeeagh er dy chooilley vooaralagh, as cur eh sheese dy injil; cur ny mee-chrauee fo-chosh ayns nyn gummal.

Lioar Yob 5:11

Dy hroggal seose dy ard adsyn ta injil; dy vod adsyn ta dobberan ve soit ayns sauchys.

Psalmyn 102:10

As shen er coontey dty yymmoose as dty chorree: son t’ou er my hroggal seose, as er my hilgey sheese.

Psalmyn 75:7

Son cha vel stayd ard cheet veih’n niar, ny veih’n neear: ny foast veih’n jiass.

Psalmyn 75:8

As cre’n-oyr? she Jee yn briw: t’eh cur sheese fer, as soiaghey seose fer elley.

Raaghyn Creeney 22:2

Ta’n berchagh as y boght cheet dy cheilley: ta’n Chiarn yn Er-croo oc ooilley.

Isaiah 2:12

Son bee laa Chiarn ny flaunyssee er dagh unnane ta moyrnagh as mooaralagh, as er dagh unnane ta ard-chreeagh, as bee eh er ny injillaghey;

Jeremiah 49:15

Son cur-my-ner, nee’m oo y yannoo fardalagh mastey ny ashoonee, as beg dy ve soit jeed mastey deiney.

Ezekiel 17:24

As bee fys ec ooilley biljyn y vagher, dy nee mish y Chiarn, t’er lhieggal y billey ard, as t’er hroggal y billey injil, t’er fioghey yn billey glass, as er chur er y billey creen dy vlaaghey: mish y Chiarn t’er loayrt, as er chooilleeney eh.

Jamys 4:10

Bee-jee er nyn injillaghey ayns shilley’n Chiarn, as troggee eh shiu seose.