1 Samuel 2:6 - Yn Vible Casherick 1775 1819

⁶ Veih’n Chiarn ta baase as bioys: t’eh coyrt lesh sheese gys yn oaie, as troggal seose.

1 Samuel 2:6 ပူးပေါင်းရင်းမြစ်များ

1 Reeaghyn 17:22

As cheayll y Chiarn coraa Elijah, as haink yn ennal ’sy lhiannoo reesht, as ren eh aa-vioghey.

2 Reeaghyn 5:7

As haink eh gy-kione, tra va ree Israel er lhaih yn screeuyn, dy raip eh e choamrey, as dooyrt eh, Nee Jee mish, dy choyrt baase ny bioys, dy vel y dooinney shoh cur chaghteraght hym’s dy lheihys dooinney jeh e louraanys? Shen-y-fa toig-jee, ta mee guee erriu, as jeeagh-jee kys t’eh shirrey oyr dy huittym magh rhym.

Lioar Yob 5:18

Son t’eh jannoo ching, as t’eh coyrt couyr; t’eh bwoalley, as ta ny laueyn echey slaanaghey.

Psalmyn 116:3

Haink ribbaghyn y vaaish mygeayrt-y-moom: as ghow pianyn niurin greme orrym.

Psalmyn 30:4

Gow-jee arraneyn-moyllee gys y Chiarn, O shiuish e nooghyn: as cur-jee booise da ayns cooinaghtyn jeh e chasherickys.

Psalmyn 68:20

Eshyn y Jee ain, dy jarroo yn Jee veih ta cheet nyn saualtys: Jee yn Chiarn, liorishyn ta shin shaghney baase.

Psalmyn 71:20

Shen-y-fa nee’m uss as dt’irriney y voylley, O Yee, cloie er greïe dy vingys: hood’s goym arrane er y chlaasagh, O uss er-casherick dy Israel.

Ecclesiastes 3:3

Traa dy varroo, as traa dy lheihys: traa dy vrishey sheese, as traa dy hroggal seose:

Isaiah 26:19

Bee dty gheiney marroo bio, marish my chorp’s marroo nee ad girree: Dooisht-jee, as gow-jee arrane, shiuish ta cummal ’sy joan: son ta dty ghruight myr druight lossreeyn, as nee yn ooir gymmyrkey magh ny merriu.

Ezekiel 37:12

Shen-y-fa jean phadeyrys, as abbyr roo, Myr shoh ta’n Chiarn Jee dy ghra, Cur-my-ner, O my phobble, neem’s ny oaiaghyn eu y osley, as ver-ym erriu dy heet seose ass ny oaiaghyn eu, as ver-ym lhiam shiu stiagh gys thalloo Israel.

Ezekiel 37:3

As dooyrt eh rhym, Vac y dooinney, vod ny craueyn shoh aa-vioghey? as dreggyr mee, O Hiarn Yee, ayd’s ta fys.

Noo Mian 12:40

Son myr va Jonas three laghyn as three oieghyn ayns bolg y whale: myr shen bee Mac y dooinney three laghyn as three oieghyn ayns cree yn thallooin.

Noo Ean 11:25

Dooyrt Yeesey r’ee, Mish yn irree-seose-reesht veih ny merriu as yn vea: bee eshyn ta credjal aynym’s bio, ga dy vow eh baase;

Deuteronomy 32:39

Jeeagh-jee nish, dy nee mish, eer mish ny-lomarcan eh, as cha vel ayn jee erbee mârym: mish ta coyrt baase, as bioys; mish ta coyrt chingys, as slaynt: chamoo ta fer erbee oddys livrey ass my laue.

Ashlish 1:18

Mish eh ta bio, as va marroo; as cur-my-ner ta mee bio er son dy bragh, Amen; as ta aym ogheryn niurin as baase.

1 Samuel 20:3

As loo David ny-sodjey, as dooyrt eh, Ta fys ec dty ayr son firrinys dy vel mee er gheddyn foayr ayns dty hilley; as t’eh gra, Cha nhegin fys v’ec Jonathan er shoh, er-aggle dy bee eh trimshey da: agh cha firrinagh as ta’n Chiarn bio, cha vel agh kesmad eddyr mish as y vaase.