1 Samuel 2:36 - Yn Vible Casherick 1775 1819

³⁶ As hig eh gy-kione, dy jig dy chooilley unnane vees er-mayrn jeh dty hie dy chroymmey huggey son peesh dy argid, as son greme dy arran, as dy jir eh, Cur dou red ennagh dy yannoo, ta mee guee ort, mysh oik y taggyrt, dy vod greme d’arran ve aym dy ee.

1 Samuel 2:36 ပူးပေါင်းရင်းမြစ်များ

1 Reeaghyn 2:27

Myr shoh ren Solomon jiooldey rish Abiathar nagh beagh eh saggyrt y Chiarn; dy voddagh eh cooilleeney goo’n Chiarn, loayr eh mychione thie Eli ayns Shiloh.

2 Reeaghyn 23:9

Ny-yeih, cha row saggyrtyn ny ard-ynnydyn lowit dy heet seose gys altar y Chiarn ayns Jerusalem, agh va beaghey er-lheh oc mastey nyn mraaraghyn.

Raaghyn Creeney 14:19

Ta’n olk croymmey roish y vie, as ny mee-chrauee ec giattyn deiney ynrick.

Malachi 1:13

Dooyrt shiu myrgeddin, Cur-my-ner, cre’n deinys te! as ta shiu dy storneishagh er hoiaghey beg jeh, ta Chiarn ny flaunyssee dy ghra; as hug shiu lhieu shen ny va raipit, as croobagh, as doghanit, shen va’n oural heb shiu: jinnin’s soiaghey jeh’n lheid ec nyn laue? ta’n Chiarn dy ghra.

Briwnyn 17:10

As dooyrt Micah rish, Jean cummal mârym’s, as bee dou son ayr as saggyrt, as ver-yms dhyt jeih shekelyn argid ’sy vleïn, as daa chaghlaa garmad, as dty veaghey. Myr shen hie yn Levite stiagh.

1 Samuel 2:35

As trog-yms seose dou hene saggyrt firrinagh nee cooilleeney shen ny ta ayns my chree, as my aigney: as neem’s thie shickyr y hroggal da, as nee eh shirveish fenish my er-ooilit dy kinjagh.

1 Samuel 3:1

As ren y lhiannoo Samuel shirveish gys y Chiarn fo Eli. As va goo’n Chiarn goaun ayns ny laghyn shen; cha row ashlish foshlit erbee.