1 Samuel 2:34 - Yn Vible Casherick 1775 1819

³⁴ As bee shoh son cowrey dhyt, hig er dty ghaa vac, er Hophni as Phinehas: ’syn un laa yiow ad nyn-neesht baase.

1 Samuel 2:34 ပူးပေါင်းရင်းမြစ်များ

1 Reeaghyn 13:3

As hug eh cowrey yn laa cheddin, gra, Shoh’n cowrey ta’n Chiarn er loayrt; Cur-my-ner, bee’n altar er ny vrishey, as yn leoie t’er er ny gheayrtey magh.

1 Reeaghyn 14:12

Trog ort, er-y-fa shen, as immee royd gys dty hie hene; as tra hig dty chassyn stiagh ’syn ard-valley, yiow’n lhiannoo baase.

Noo Luke 2:12

As bee shoh son cowrey diu; Yiow shiu yn oikan ayns aanrityn soïllee, as ny lhie ayns manjoor.

1 Samuel 10:7

As hig eh gy-kione, tra hig ny cowraghyn shoh ort, dy jean uss gymmyrkey oo-hene myr vees feme rish; son ta Jee mayrt.

1 Samuel 2:33

As y dooinney jeh dty luight nagh jean-yms giarey jeh veih my altar, bee eh son trimshey da dty chree: as yiow ooilley dty heeloghe baase ayns blaa nyn eash.

1 Samuel 3:12

Er y laa shen neem’s cooilleeney noi Eli dy chooilley nhee ta mee er loayrt mychione e hie: tra hem laue roo, hem trooid lesh yn obbyr.

1 Samuel 4:11

As va arg Yee goit; as va daa vac Eli, Hophni as Phinehas, er nyn marroo.

1 Samuel 4:17

As dreggyr yn chaghter as dooyrt eh, Ta Israel er roie er-chea roish ny Philistinee, as myrgeddin ta baase mooar sleih, as ta dty ghaa vac, Hophni as Phinehas, myrgeddin marroo, as ta arg Yee goit.

1 Samuel 4:21

Agh denmys ee yn lhiannoo I-chabod, gra, Ta’n ghloyr er n’immeeaght veih Israel: (er-yn-oyr dy row arg Yee goit, as er graih yn ayr-’sy-leigh eck as e sheshey:)

1 Samuel 4:22

As dooyrt ee, Ta gloyr Israel er n’immeeaght; son ta arg Yee goit.