1 Samuel 2:33 - Yn Vible Casherick 1775 1819

³³ As y dooinney jeh dty luight nagh jean-yms giarey jeh veih my altar, bee eh son trimshey da dty chree: as yiow ooilley dty heeloghe baase ayns blaa nyn eash.

1 Samuel 2:33 ပူးပေါင်းရင်းမြစ်များ

1 Reeaghyn 1:19

As t’eh er varroo ymmodee dew as muirht, as niart kirree, as t’eh er chuirrey ooilley mec y ree, as Abiathar yn saggyrt, as Joab captan y cheshaght-chaggee: agh Solomon dty harvaant cha vel eh er chuirrey.

1 Reeaghyn 1:7

As ren eh stiagh rish Joab mac Zeruiah, as rish Abiathar yn saggyrt: as adsyn deiyr er Adonijah, chooin ad lesh.

Leviticus 26:16

Shoh myrgeddin neem’s y yannoo riuish, ver-yms lhiam erriu atchim, consumption, as crayn-losht, ver naardey’n soilshey, as cur sneih er y chree; nee shiu cuirr nyn sheel ayns fardail, son nee nyn noidyn gee eh.

1 Samuel 2:32

As nee uss noid y akin ayns my chabbane-agglish, lurg ooilley’n chenjallys ta Jee er hoilshaghey da Israel: as cha bee shenn ghooinney ayns dty hie son dy bragh.

1 Samuel 2:34

As bee shoh son cowrey dhyt, hig er dty ghaa vac, er Hophni as Phinehas: ’syn un laa yiow ad nyn-neesht baase.

1 Samuel 22:18

As dooyrt y ree rish Doeg, Chyndaa uss, as tuitt er ny saggyrtyn. As hyndaa Doeg yn Edomite, as huitt eh er ny saggyrtyn, as varr eh er y laa shen kiare-feed as queig persoonyn va ceau coamrey casherick.