1 Samuel 2:30 - Yn Vible Casherick 1775 1819

³⁰ Shen-y-fa ta’n Chiarn, Jee Israel, gra, Dooyrt mee, dy jarroo, dy jinnagh dty hie’s, as thie dt’ayrey shirveish kiongoyrt rhym son dy bragh: agh nish ta’n Chiarn gra, Dy row shen foddey voym; son ver-yms ooashley dauesyn, ta coyrt ooashley dou as bee beg er ny hoiaghey jeusyn, ta soiaghey beg jeem’s.

1 Samuel 2:30 ပူးပေါင်းရင်းမြစ်များ

1 Reeaghyn 11:11

Shen-y-fa dooyrt y Chiarn rish Solomon, Son wheesh as dy vel oo er n’yannoo shoh, as nagh vel oo er reayll my chonaant as my lattyssyn, ta mee er harey dhyt, nee’m son shickyrys yn reeriaght y vrishey voïd, as ver-ym eh da dty harvaant.

1 Reeaghyn 2:27

Myr shoh ren Solomon jiooldey rish Abiathar nagh beagh eh saggyrt y Chiarn; dy voddagh eh cooilleeney goo’n Chiarn, loayr eh mychione thie Eli ayns Shiloh.

1 Recortyssyn 17:18

Cre smoo oddys David y yeearree jeed’s, son onnor dty harvaant? son shione dhyt cree dty harvaant.

2 Recortyssyn 15:2

As hie eh magh quail Asa, as dooyrt eh rish, Clasht-jee rhym’s Asa, as ooilley Yudah as Venjamin, Ta’n Chiarn mêriu, choud as vees shiu mârishyn; as my nee shiu shirrey huggeysyn, bee eh er ny gheddyn lieriu; agh my hreigys shiu eshyn, nee eh shiuish y hreigeil.

2 Recortyssyn 26:18

As hass ad seose noi Uzziah yn ree, as dooyrt ad rish, Cha vel eh lowal dhyt’s, Uzziah, dy hebbal incense gys y Chiarn, son ta shen er currym ny saggyrtyn mec Aaron, t’er nyn gasherickey dy hebbal incense: faag yn ynnyd casherick shoh, son t’ou er gholl harrish y leigh, chamoo vees eh gys dt’onnor veih’n Chiarn Jee.

Psalmyn 18:20

Nee’n Chiarn m’y chooilleeney lurg my ghellal cairagh: cordail rish glennid my laueyn nee eh lhiasaghey dou;

Psalmyn 18:26

Dasyn ta glen nee oo soilshaghey oo hene glen: as noi’n roonagh soilshee oo dty roon.

Psalmyn 50:23

Quoi-erbee ta chebbal dou booise as moylley, t’eh cur onnor dou: as dasyn, ta reill e ymmyrkey dy cair, soilshee-yms saualtys Yee.

Psalmyn 73:20

Shoh myr va my chree seaghnit: as hie eh eer trooid my veeghyn.

Psalmyn 91:14

Er-yn-oyr dy vel eh er hoiaghey e ghraih orrym, shen-y-fa livrey-ym eh: neem’s eh y hoiaghey seose, er-y-fa dy vel enney echey er m’Ennym.

Psalmyn 91:15

Nee eh geamagh orrym, as ver-ym clashtyn da: dy jarroo, ta mee mârish ayns seaghyn; livrey-ym eh, as ver-ym lhiam eh gys onnor.

Exodus 28:43

As bee ad er Aaron, as er e vec, tra hig ad stiagh ayns y chabbane-agglish, ny tra hig ad er-gerrey da’n altar dy yannoo shirveish ’syn ynnyd casherick; nagh dayrn ad peccah orroo hene, as baase y gheddyn. Bee shoh ny slattys dasyn son dy bragh, as da e luight ny yeï.

Exodus 29:9

As ver oo cryssyn moo [Aaron as e vec] as ver oo ny bayrnyn orroo: as lhieusyn vees oik y taggyrtys, liorish oardagh beayn: as nee oo Aaron as e vec y chasherickey.

Raaghyn Creeney 12:8

Yiow dooinney moylley rere e chreenaght: agh bee eshyn ta jeh cree mitchooragh beg soit jeh.

Raaghyn Creeney 4:8

Jean mooar j’ee, as nee ish soiaghey seose oo; ver ee lh’ee oo gys ooashley, tra t’ou goaill hood ee.

Raaghyn Creeney 8:17

Shynney lhiam adsyn shynney lhieu mee, as adsyn hirrys mee dy leah, yiow ad mee.

Isaiah 29:13

Shen-y-fa dooyrt y Chiarn, Son wheesh as dy vel yn pobble shoh tayrn er-gerrey dooys lesh nyn meeal, as dy my ooashlaghey lesh nyn meillyn, agh ta’n cree oc er ny scughey foddey voym, as ta nyn aggle roym er ny ynsaghey liorish oardagh deiney:

Jeremiah 29:32

Shen-y-fa shoh myr ta’n Chiarn dy ghra, Cur-my-ner, goyms kerraghey er Shemaiah yn Nehelamite, as er e luight: cha bee mac dooinney jeh faagit dy vaghey mastey yn pobble; chamoo nee eh fakin yn foays shen neem’s jannoo son my phobble, ta’n Chiarn dy ghra, er-yn-oyr dy vel eh er n’ynsaghey mee-viallys noi’n Chiarn.

Jeremiah 49:15

Son cur-my-ner, nee’m oo y yannoo fardalagh mastey ny ashoonee, as beg dy ve soit jeed mastey deiney.

Ezekiel 34:10

Myr shoh ta’n Chiarn Jee dy ghra, Cur-my-ner ta mish noi ny bochillyn, as nee’m jeeaghyn lurg my hioltane, veih yn laue ocsyn, as cha bee currym y chioltane ny-sodjey faagit daue, chamoo nee ny bochillyn beaghey ad-hene ny-sodjey; son neem’s livrey my hioltane veih’n veeal oc, nagh bee ad son beaghey daue.

Daniel 4:34

As ec kione ny laghyn shen, hrog mish Nebuchadnezzar my hooillyn gys niau, as haink my hushtey hym reesht, as vannee mee yn er smoo syrjey, as hug mee moylley as ooashley dasyn ta dy bragh beayn, e reiltys ta reiltys dy bragh farraghtyn, as e reeriaght ta veih sheeloghe gys sheeloghe.

Malachi 1:6

Ta mac arrymagh da e ayr, as ta sharvaant ammyssagh da e vainshtyr, my she ayr mee er-y-fa shen, cre vel my arrym? as my she mainshtyr mee, cre vel my ammys? ta Chiarn Jee ny flaunyssee dy ghra riuish haggyrtyn, ta soiaghey beg jeh my ennym’s, foast ta shiu gra, Cre ayn ta shin er hoiaghey beg jeh dty ennym’s?

Malachi 2:3

Cur-jee my-ner, mhill-yms nyn arroo-correy, as skeayl-yms eoylley er yn eddin eu, eer gaerr ny feaillaghyn casherick eu, as bee shiuish tilgit magh mârish.

Earrooyn 11:20

Agh son slane mee, derrey hig eh magh er ny stroanyn eu, as dy bee eh feohdoil diu; son dy vel shiu er hoiaghey beg jeh’n Chiarn ta ny mast’ eu, as er cheayney kiongoyrt rish, gra, Cre’n-fa haink shin magh ass Egypt?

Earrooyn 35:34

Ny jean-jee yn cheer, er-y-fa shen, neu-ghlen, raad ta shiu cummal, ayn ta my enish: son ta Mish y Chiarn cummal mastey cloan Israel.

Noo Ean 12:26

My nee dooinney erbee mish y hirveish, lhig da geiyrt orrym; as y raad ta mish, shen y raad myrgeddin vees my harvaant: my nee dooinney erbee mish y hirveish, dasyn ver my Ayr onnor.

Noo Ean 5:23

Dy voddagh dy chooilley ghooinney ooashley y choyrt da’n Mac, myr t’ad cur ooashley da’n Ayr. Eshyn nagh vel cur ooashley da’n Mac, cha vel eh coyrt ooashley da’n Ayr ren y choyrt eh.

Noo Ean 5:44

Kys oddys shiuish credjal ta geddyn ooashley yn derrey yeh veih yn jeh elley, as nagh vel shirrey yn ooashley ta veih Jee ny-lomarcan?

Noo Ean 8:49

Dreggyr Yeesey, Cha vel drogh-spyrryd aynym’s; agh ta mee cur ooashley da my Ayr, as ta shiuish cur mee-ooashley dooys.

1 Corinthianee 4:5

Shen-y-fa ny jean-jee nhee erbee y vriwnys roish y traa, derrey hig y Chiarn, ver chammah lesh gys soilshey folliaghtyn y dorraghys, as nee soilshaghey magh smooinaghtyn ny creeaghyn; as eisht yiow dy chooilley ghooinney moylley veih Jee.

1 Peddyr 1:7

Dy vod prowal nyn gredjue ta foddey s’costal na airh ta ceau ersooyl, ga er ny hrial lesh aile, ve er ny gheddyn gys moylley, as ooashley, as gloyr ec cheet Yeesey Creest:

Briwnyn 9:10

As dooyrt ny biljyn rish yn billey-figgagh, Tar uss, as reill harrin.