1 Samuel 2:28 - Yn Vible Casherick 1775 1819

²⁸ As ren mee eshyn y reih ass ooilley tribeyn Israel dy ve my haggyrt, dy hebbal er m’altar, dy lostey incense, dy ve coamrit lesh ephod ayns my enish? as dug mee da thie dt’ayrey ooilley ourallyn cloan Israel jeant lesh aile?

1 Samuel 2:28 ပူးပေါင်းရင်းမြစ်များ

2 Samuel 12:7

As dooyrt Nathan rish David, Oo-hene y dooinney shen. Myr shoh ta’n Chiarn Jee Israel dy ghra, Ren mish uss y ooilaghey dy ve dty ree harrish Israel, as livrey mee oo veih laue Saul;

2 Samuel 6:14

As ren David daunsin fenish y Chiarn lesh ooilley e niart, as va David coamrit lesh ephod aanrit.

Exodus 28:1

As gow mayrt Aaron dty vraar, as e vec, veih mastey cloan Israel, dy ve my hirveishee ayns oik y taggyrt, eer Aaron, Nadab, as Abihu, Eleazar, as Ithamar, mec Aaron.

Exodus 28:4

As shoh ny garmadyn nee ad jannoo, breast-plate as ephod, as garmad liauyr, as cooat laatshit, as mitre, as cryss: as nee ad garmadyn casherick da Aaron dty vraar, as e vec, dy vod eh jannoo shirveish dooys ayns oik y taggyrt.

Exodus 30:7

As nee Aaron lostey er oural-millish dy chooilley voghrey: tra t’eh kiartaghey ny lampyn, nee eh oural-millish y lostey er.

Exodus 30:8

As tra ta Aaron foaddey ny lampyn ’syn astyr, nee eh oural-millish y lostey er; oural-millish kinjagh kiongoyrt rish y Chiarn, trooid magh nyn sheelogheyn.

Leviticus 2:10

As bee shen ny ta er-mayrn jeh’n oural-arran, lesh Aaron as e vec: te’n red smoo casherick, jeh ourallyn y Chiarn jeant lesh aile.

Leviticus 2:3

As bee yn chooid elley jeh’n oural-arran lesh Aaron as e vec; te’n red smoo casherick jeh ourallyn y Chiarn jeant lesh aile.

Leviticus 6:16

As y chooid elley jeh shen nee Aaron as e vec gee: lesh arran gyn soorit vees shen er ny ee ’syn ynnyd casherick: ayns cooyrt y chabbane-agglish nee ad gee eh.

Leviticus 7:32

As y clingan yesh nee shiu coyrt da’n saggyrt, oural dy ve criht, jeh chebballyn nyn ourallyn-shee.

Leviticus 7:36

Shoh doardee yn Chiarn dy v’er ny choyrt daue, liorish cloan Israel, er y laa ren Moses adsyn y ooilaghey, liorish slattys kinjagh trooid nyn sheelogheyn.

Earrooyn 16:5

As loayr eh rish Korah, as rish ooilley’n cheshaght echey, gra, Eer mairagh nee’n Chiarn soilshaghey quoi ta leshyn, as quoi ta casherick; as ver eh lesh eh er-gerrey da hene: eshyn da jarroo, t’eh er reih, ver eh lesh er-gerrey da hene.

Earrooyn 18:19

Ooilley ny chebballyn casherick troggit seose, ta cloan Israel chebbal da’n Chiarn, ta mee er choyrt dhyt’s as da dty vec, as da dty inneenyn mayrt, liorish slattys kinjagh: te conaant dy hollan dy kinjagh, fenish y Chiarn, rhyt’s as rish dty luight.

1 Samuel 14:3

As myrgeddin Ahiah mac Ahitub, braar I-chabod, mac Phinehas, mac Eli, saggyrt y Chiarn ayns Shiloh, coamrit lesh yn ephod. As cha dennee yn pobble dy row Jonathan er n’immeeaght.

1 Samuel 2:18

Agh ren y lhiannoo Samuel shirveish gys y Chiarn, coamrit lesh ephod aanrit.