1 Samuel 2:25 - Yn Vible Casherick 1775 1819

²⁵ My ta dooinney jannoo aggair da dooinney, nee’n briw reaghey’n chooish eddyr ad: agh my nee dooinney peccah noi’n Chiarn, quoi hig eddyr ad? Ny-yeih cha dug ad geill da coraa nyn ayr; shen-y-fa va’n Chiarn kiarit dy stroie ad.

1 Samuel 2:25 ပူးပေါင်းရင်းမြစ်များ

Genesis 38:10

As hug shoh jymmoose er y Chiarn; shen-y-fa hug eh eshyn dy baase myrgeddin.

Genesis 38:7

As va Er, mac shinney Yudah, cur rish olk ayns shilley’n Chiarn; as stroie yn Chiarn eh.

1 Reeaghyn 8:31

My ta dooinney erbee jannoo aggair da e naboo, as currym currit er dy ghoaill e loo, as my hig yn loo kiongoyrt rish dt’altar ’sy thie shoh:

1 Reeaghyn 8:32

Eisht jean uss clashtyn ayns niau, as cooilleen, as briwnys dty harvaantyn, deyrey yn mee-chrauee, dy choyrt e hoilchin er e chione hene; as seyrey yn dooinney cairagh, dy chooilleeney eh cordail rish e ynrickys.

2 Recortyssyn 10:15

Myr shen cha dug y ree geill da’n pobble: son va’n chooish veih Jee, dy voddagh y Chiarn e ghoo y chooilleeney, loayr eh liorish Ahijah yn Shilonite rish Jeroboam mac Nebat.

2 Recortyssyn 25:16

As haink eh gy-kione myr v’eh taggloo rish, dy dooyrt y ree rish, Nee uss fer jeh fir-choyrlee yn ree? bee dty host, nonney ver-ym gy-baase oo. Eisht cha jagh y phadeyr ny-sodjey lesh, agh dooyrt eh, Ta fys aym dy vel Jee er chiarail dy stroie oo, er-yn-oyr dy vel oo er n’yannoo shoh, as nagh vel oo er n’eaishtagh rish my choyrle’s.

Lioar Yob 9:33

Chamoo ta fer erbee dy vriwnys eddyr shin, dy chiangley shin gys coardail.

Psalmyn 51:16

Son cha vel oo shirrey oural, nonney yinnin dhyt eh: cha vel taitnys ayd ayns chebballyn-losht.

Psalmyn 51:4

Dt’oï’s dty-lomarcan ta mee er n’yannoo peccah, as er chur rish yn olk shoh ayns dty hilley: dy voddagh oo v’er dty heyrey ayns dty raa, as ynrick tra t’ou briwnys.

Raaghyn Creeney 13:1

Ta mac creeney clashtyn rish ynsagh e ayr: agh cha vel y craidoilagh cur geill da oghsan.

Raaghyn Creeney 15:10

Ta smaght feohdagh dasyn ta treigeil y raad, as eshyn nagh gow rish oghsan hed eh naardey.

Raaghyn Creeney 29:1

Eshyn ta dy mennick coyrlit, as creoghey e wannal, bee eh doaltattym er ny stroie, as shen fegooish couyr.

Ecclesiastes 3:3

Traa dy varroo, as traa dy lheihys: traa dy vrishey sheese, as traa dy hroggal seose:

Earrooyn 15:30

Agh y persoon ta jannoo red erbee er e ghaanys, (edyr eh ve ruggit ’sy cheer, ny joarree) ta’n fer cheddin soiaghey beg jeh’n Chiarn; bee’n persoon shen er ny yiarey jeh veih mastey e phobble.

Deuteronomy 1:17

Cha jean shiu soiaghey jeh persoonyn ayns briwnys, agh ver shiu clashtyn da’n voght chammah’s da’n verchagh; cha bee shiu ayns aggle roish eddin dooinney, son lesh Jee ta’n briwnys: as y chooish ta ro ghoillee diu, cur-jee roym’s eh, as neem’s clashtyn eh.

Deuteronomy 2:30

Agh dob Sihon ree Heshbon raad dooin dy gholl er nyn doshiaght, son ren y Chiarn dty Yee e chree creoi, as roonagh nyn ’oï, er-chee dy livrey eh gys dty laue, myr te ry-akin jiu.

1 Timothy 2:5

Son ta un Jee ayn, as un er ta loayrt eddyr Jee as deiney, yn dooinney Creest Yeesey;

Hebrewnee 10:26

Son my nee mayd peccah jeh nyn yoïn, lurg dooin v’er gheddyn toiggal jeh’n irriney, cha vel nyn gour oural arragh son peccaghyn,

Hebrewnee 10:27

Agh farkiaght agglagh son briwnys, as jymmoose aileagh, nee adsyn y stroie ta shassoo magh.

Hebrewnee 7:25

Shen-y-fa t’eh pooaral myrgeddin dy hauail gys y chooid sodjey adsyn ta cheet gys Jee liorishyn, fakin dy vel eh dy bragh bio dy yannoo stiagh [rish Jee] er nyn son.

Joshua 11:20

Son daag y Chiarn ad fo creoghys cree, dy chaggey noi Israel, dy voddagh eh stroie ad dy bollagh, nagh voghe ad foayr erbee, agh dy voddagh cragh cheet ny-vud oc, myr hug y Chiarn sarey da Moses.

1 Samuel 3:14

As shen-y-fa ta mee er vreearrey mychione lught-thie Eli, nagh bee lhiasaghey jeant son mee-chraueeaght thie Eli lesh chebballyn ny ourallyn son dy bragh.