1 Samuel 2:24 - Yn Vible Casherick 1775 1819

²⁴ Ah treih, my vec; cha nee goo mie erbee eh ta mee clashtyn jiu; ta shiu cur oyr da’n pobble dy hreigeil shirveish y Chiarn.

1 Samuel 2:24 ပူးပေါင်းရင်းမြစ်များ

1 Reeaghyn 15:26

As ren eh dy olk ayns shilley’n Chiarn, as deiyr eh er raaidyn e ayr, as er e pheccah, liorish shen hayrn eh Israel gys peccah.

1 Reeaghyn 15:30

Kyndagh rish peccaghyn Yeroboam v’eh er n’yannoo, as er hayrn Israel ayndoo, liorish e ghrogh ymmyrkey lesh v’eh er vrasnaghey yn Chiarn Jee Israel gys corree.

2 Reeaghyn 10:31

Agh cha dug Jehu geill dy hooyl ayns leigh’n Chiarn Jee Israel lesh ooilley e chree: son cha hreig eh peccaghyn Yeroboam, ren Israel y hayrn fo peccah.

Exodus 32:21

As dooyrt Moses rish Aaron, Cre’n olk ren y pobble shoh rhyt’s, dy vel oo er hayrn lheid y peccah orroo?

Malachi 2:8

Agh ta shiuish er-shaghryn veih’n raad, ta shiu er chur er ymmodee dy leaystey ayns y leigh, ta shiu er rassey conaant Levi, ta’n Chiarn, Jee ny flaunyssee, dy ghra.

Noo Mian 18:7

Smerg da’n theihll kyndagh rish oyryn peccah: son shegin da nyn lheid ’ve ayn; agh smerg da’n dooinney, liorish ta’n loght cheet.

Jannoo 6:3

Shen-y-fa, vraaraghyn, jeeagh-jee magh ny mast’ eu hene, son shiaght deiney dy ghoo mie, lane jeh’n Spyrryd Noo as jeh creenaght, dooinyn dy choyrt yn currym shoh orroo.

2 Corinthianee 6:8

Liorish ooashley as mee-ooashley, liorish drogh ghoo as goo mie; myr molteyryn, as ny-yeih firrinagh;

1 Timothy 3:7

Shegin da myrgeddin goo mie ve echey vouesyn ta mooie; er-aggle dy duitt eh fo scammylt, as ribbey yn drogh-spyrryd.

2 Peddyr 2:18

Son tra t’ad fockley magh goan mooarey follym, sheidit seose lesh fardail, t’ad cleayney trooid sayntyn ny foalley, liorish mooarane rouanys, adsyn va dy glen er scapail vouesyn ta baghey ayns shaghrynys:

3 Ean 1:12

Ta goo mie ec Demetrius veih dy chooilley ghooinney, as veih’n irriney hene: dy jarroo, as ta shinyn myrgeddin gymmyrkey feanish, as ta fys eu dy vel y feanish ainyn firrinagh.

Ashlish 2:20

Ny-yeih, ta reddyn ennagh aym dy choyrt dty lieh, er-y-fa dy vel uss lhiggey da’n ven shen Jezebel, ta goaill urree dy ve ny adeyr, dy ynsaghey as dy chleayney my harvaantyn dy chur rish maarderys, as dy ghoaill commee ayns ny reddyn t’er ny ouralley gys jallooyn.

1 Samuel 2:17

Myr shoh va peccah ny deiney aegey feer trome kiongoyrt rish y Chiarn; son hug sleih dwoaie da oural y Chiarn.

1 Samuel 2:22

Nish va Eli feer shenn, as cheayll eh jeh ooilley ny va e vec er n’yannoo rish ooilley Israel, as kys lhie ad marish ny mraane ren chaglym cooidjagh ec dorrys y chabbane-agglish.

1 Samuel 2:23

As dooyrt eh roo, Cre’n-fa ta shiu cur-rish lheid yn olk? son ta mee clashtyn jeh nyn ghrogh ghellal veih ooilley’n pobble shoh.