1 Samuel 2:23 - Yn Vible Casherick 1775 1819

²³ As dooyrt eh roo, Cre’n-fa ta shiu cur-rish lheid yn olk? son ta mee clashtyn jeh nyn ghrogh ghellal veih ooilley’n pobble shoh.

1 Samuel 2:23 ပူးပေါင်းရင်းမြစ်များ

1 Reeaghyn 1:6

As cha row e ayr er ve jymmoosagh rish ec traa erbee, ayns gra, Cre’n-fa t’ou er n’yannoo myr shoh? as v’eh myrgeddin ny ghooinney feer stoamey; as rug e voir eh lurg Absalom.

Isaiah 3:9

Ta daanys nyn eddin son feanish nyn ’oï, as t’ad fockley-magh nyn beccah myr Sodom, as cha vel ad dy cheiltyn eh: smerg da’n annym oc! son t’ad er cherraghey olk orroo hene.

Jeremiah 3:3

Shen-y-fa ta ny frassyn er nyn lhiettal, as cha vel y fliaghey jerrey-bleeaney er jeet; as va eddin streebagh ayd, dob oo nearey y ghoaill.

Jeremiah 8:12

Row nearey orroo tra v’ad er n’yannoo yn peccah dwoaiagh? beggan, cha ghow ad veg y nearey, chamoo ren ad jiargaghey: shen-y-fa nee ad tuittym ny mast’ oc shen huittys; tra hig-yms orroo ayns kerraghey, bee ad lhieggit gys yn ooir, ta’n Chiarn dy ghra.

Jannoo 14:15

As gra, Gheiney, cre’n-fa ta shiu jannoo ny reddyn shoh? Cha vel shinyn agh deiney jeh ny annooinidyn cheddin riu hene, as ta shin preacheil diu shiu dy hyndaa veih ny fardalyssyn shoh gys y Jee bio, chroo niau as thalloo, as y faarkey as dy chooilley nhee t’ayndoo:

Jannoo 9:4

As huitt eh gys y thalloo, as cheayll eh coraa gra rish, Saul, Saul, cre’n-fa t’ou jannoo tranlaase orrym?

Philippianee 3:19

Ta’n jerrey oc toyrt-mow, yn Jee oc ta nyn molg, as ta’n gloyr oc ayns nyn nearey, ta nyn aigney er nheeghyn seihltagh.)

1 Samuel 2:22

Nish va Eli feer shenn, as cheayll eh jeh ooilley ny va e vec er n’yannoo rish ooilley Israel, as kys lhie ad marish ny mraane ren chaglym cooidjagh ec dorrys y chabbane-agglish.

1 Samuel 2:24

Ah treih, my vec; cha nee goo mie erbee eh ta mee clashtyn jiu; ta shiu cur oyr da’n pobble dy hreigeil shirveish y Chiarn.