1 Samuel 2:22 - Yn Vible Casherick 1775 1819

²² Nish va Eli feer shenn, as cheayll eh jeh ooilley ny va e vec er n’yannoo rish ooilley Israel, as kys lhie ad marish ny mraane ren chaglym cooidjagh ec dorrys y chabbane-agglish.

1 Samuel 2:22 ပူးပေါင်းရင်းမြစ်များ

Genesis 35:22

As haink eh gy-kione, tra va Israel cummal ’sy cheer shen, dy jagh Reuben, as lhie eh marish Bilhah co-lhiabbagh e ayrey: as cheayll Israel jeh. Nish va mec Yacob ghaa-yeig.

Genesis 37:2

Shoh coontey jeh kynneeyn Yacob, tra va Joseph shiaght bleeaney jeig dy eash, v’eh bochillagh y chioltane marish e vraaraghyn, as va’n scollag marish mec Bilhah, as mec Zilpah, mraane e ayrey; as dinsh Joseph da e ayr jeh’n drogh ghoo oc.

Exodus 38:8

As ren eh yn tobbyr-oonlee dy phrash, as e stoyl fo dy phrash, jeh ny plaityn prashey sollys va son looking-glessyn ec ny mraane, va cheet cooidjagh dy choyrt ooashley ec dorrys y chabbane-agglish.

Ezekiel 22:26

Ta ny saggyrtyn eck er vrishey my leigh, as my reddyn casherick t’ad er vee-ooashlaghey: cha vel ad er n’yannoo soiaghey erbee eddyr casherick as neu-chasherick, chamoo ta scansh oc eddyr glen as neu-ghlen, as t’ad er n’ollaghey nyn sooillyn veih my ghooneeyn, as ta mee er my oltooaney by-chyndagh roo.

1 Samuel 2:23

As dooyrt eh roo, Cre’n-fa ta shiu cur-rish lheid yn olk? son ta mee clashtyn jeh nyn ghrogh ghellal veih ooilley’n pobble shoh.

1 Samuel 3:13

Son ta mee er n’insh da dy goym kerraghey er e hie, gys earishyn foddey, son y peccah nagh vel gyn-yss da; er-yn-oyr dy ren e vec ad-hene mollaghtagh, as nagh ren eh smaghtaghey ad.

1 Samuel 8:1

As haink eh gy-kione tra va Samuel shenn, dy ren eh e vec briwnyn er Israel.