1 Samuel 2:21 - Yn Vible Casherick 1775 1819

²¹ As yeeagh y Chiarn er Hannah, myr shen dy ren ee gientyn, as gymmyrkey three mec, as da inneen. As daase y lhiannoo Samuel fenish y Chiarn.

1 Samuel 2:21 ပူးပေါင်းရင်းမြစ်များ

Genesis 21:1

As ren y Chiarn cooinaghtyn er Sarah, myr v’eh er loayrt, as ren y Chiarn son Sarah, ny v’eh er yialdyn.

Psalmyn 127:3

Cha vel eh agh obbyr caillit dy vel shiu ayns siyr dy irree dy moghey, as cha anmagh goaill fea, as gee yn arran dy imnea: son shen myr t’eh coyrt cadley dauesyn shinney lesh.

Raaghyn Creeney 3:4

Myr shen yiow foayr, as aigney-mie ayns shilley Jee as dooinney.

Noo Luke 1:68

Bannit dy row yn Chiarn Jee Israel, son t’eh er yeeaghyn er, as er livrey e phobble,

Noo Luke 1:80

As daase y lhiannoo, as v’eh er ny niartaghey ’sy spyrryd, as v’eh ayns ny faasaghyn, derrey’n laa v’eh er ny hoilshaghey da Israel.

Noo Luke 2:40

As daase y lhiannoo, as v’eh er ny niartaghey ’sy spyrryd, as lhieent lesh creenaght, as va grayse Yee mârish.

Noo Luke 2:52

As ren Yeesey bishaghey ayns creenaght as aase, as ayns foayr rish Jee as dooinney.

Briwnyn 13:24

As ren y ven gymmyrkey mac, as denmys ad eh Samson: as daase y lhiannoo, as ren y Chiarn eh y vannaghey.

1 Samuel 2:26

(As daase y lhiannoo Samuel, as v’eh ayns foayr chammah rish y Chiarn, as myrgeddin rish deiney.)

1 Samuel 3:19

As daase Samuel, as va’n Chiarn mârish, as cha lhig eh da veg jeh e ghoan dy huittym gys y thalloo.