1 Samuel 2:2 - Yn Vible Casherick 1775 1819

² Cha vel fer erbee casherick myr y Chiarn: son cha vel Chiarn erbee elley; chamoo ta creg erbee myr y Jee ain.

1 Samuel 2:2 ပူးပေါင်းရင်းမြစ်များ

2 Samuel 22:3

Jee my chreg; ersyn ver-ym my varrant: eshyn my scaa, as niart my haualtys, my hoor ard, as my chemmyrk, my haualtagh; t’ou sauail mee veih tranlaasee.

2 Samuel 22:32

Son quoi ta’n Jee, agh y Chiarn? as quoi ta’n chreg, agh y Jee ainyn?

2 Samuel 7:22

Shen-y-fa, s’mooar t’ou uss, O Hiarn Yee: son cha vel fer erbee casley rhyt, chamoo cheu-mooie jeed’s ta Jee erbee elley, cordail rish ooilley ny ta shin er chlashtyn lesh nyn gleayshyn.

1 Reeaghyn 8:23

As dooyrt eh, Hiarn Yee Israel, cha vel Jee erbee casley rhyt’s ayns niau heose, ny er y thalloo wass, ta freayll conaant as myghin rish dty harvaantyn ta shooyl kiongoyrt rhyt lesh ooilley nyn gree;

Psalmyn 111:9

T’eh er choyrt feaysley da e phobble: t’eh er harey e chonaant son dy bragh; casherick as arrymagh ta’n Ennym echey.

Psalmyn 18:2

Neem’s geamagh er y Chiarn, ta feeu dy ve er ny voylley: myr shen bee’m sauchey veih my noidyn.

Psalmyn 18:31

Son quoi ta Jee, agh y Chiarn: ny quoi echey ta niart erbee, agh ec y Jee ain?

Psalmyn 71:19

T’ou er chur lhiat mee gys onnor: as er my gherjaghey er dy chooilley heu;

Psalmyn 71:3

Livrey mee, O my Yee, veih pooar ny mee-chrauee: veih laue yn dooinney neu-chairagh as dewil.

Psalmyn 73:25

Ta m’eill as my chree failleil: agh ta Jee niart my chree, as my hoghyr son dy bragh.

Psalmyn 86:8

Mastey ny Jeeghyn cha vel unnane erbee casley rhyt’s, O Hiarn: cha vel unnane oddys jannoo myr t’ou uss dy yannoo.

Psalmyn 89:6

Son quoi eh erskyn ny bodjallyn: vees er ny hoylaghey rish y Chiarn?

Psalmyn 89:8

Ta aggle feer vooar dy v’er ny ghoaill roish Jee ayns chaglym-cooidjagh ny nooghyn: as ta arrym dy ve er ny choyrt da lioroosyn ooilley ta mygeayrt-y-mysh.

Psalmyn 99:3

Ver ad booise da dt’Ennym’s: ta mooar, yindyssagh, as casherick.

Psalmyn 99:5

O cur-jee ard-voylley da’n Chiarn y Jee ain: as tuitt-jee sheese er nyn ghlioonyn kiongoyrt rish stoyl e choshey, son t’eshyn casherick.

Psalmyn 99:9

O cur-jee ard-voylley da’n Chiarn yn Jee ain, as jean-jee eshyn y ooashlaghey er e chronk casherick: son ta’n Chiarn yn Jee ain casherick.

Exodus 15:11

Quoi ta casley rhyt’s, O Hiarn, mastey ny jeeghyn! quoi ta casley rhyt, gloyroil ayns casherickys, ta moylley cair dhyt lesh arrym, uss ta gobbraghey mirrilyn?

Isaiah 40:18

Quoi rish eisht nee shiu Jee y hoylaghey, ny cre’n caslys ver shiu da?

Isaiah 44:6

Myr shoh ta’n Chiarn Ree Israel, as e Haualtagh Chiarn ny flaunyssee, dy ghra, Mish yn chied er as y fer s’jerree; as er-lhimmey jeem’s cha vel Jee erbee elley.

Isaiah 44:8

Ny bee aggle erriu, ny fo imnea erbee: nagh vel mee er n’insh dhyt eh er-dyn traa shen, as er n’ockley magh eh? dy jarroo ta shin hene my eanishyn. Vel Jee erbee cheu-mooie jeem’s? dy firrinagh-focklagh, cha vel Jee erbee elley dy nhione dooys.

Isaiah 57:15

Son shoh myr ta’n Jee smoo ard as ooasle dy ghra, eer eshyn ta cummal ayns beaynid dy bragh farraghtyn, e ennym ta Casherick; Ta mee cummal ’syn ynnyd ard as casherick, mârishyn myrgeddin ta jeh spyrryd imlee arryssagh, dy gherjaghey spyrryd ny imlee, as dy gherjaghey cree ny accryssee.

Isaiah 6:3

As deïe yn derrey yeh gys y jeh elley, gra, Casherick, casherick, casherick ta Chiarn ny flaunyssee; ta’n slane seihll lane jeh e ghloyr.

Jeremiah 10:6

Son wheesh as nagh vel fer erbee casley rhyt’s, O Hiarn; t’ou uss pooaral, as ta dty ennym ard ayns niart.

Leviticus 11:44

Son mish y Chiarn y Jee eu: nee shiu er-y-fa shen shiu hene y chasherickey, as bee shiu casherick, son ta mish casherick; chamoo nee shiu neu-ghlen jiu hene lesh keint erbee dy red snauee t’er yn ooir.

Leviticus 11:45

Son ta mish y Chiarn, hug lhiam shiu magh ass cheer Egypt, dy ve yn Jee eu: bee-jee shiuish er-y-fa shen casherick, son ta mish casherick.

Leviticus 19:2

Loayr rish slane sheshaght chloan Israel, as abbyr roo, Bee-jee shiuish casherick: son ta mish y Chiarn y Jee eu casherick.

Romanee 15:4

Son cre-erbee ny reddyn v’er nyn scrieu ’sy traa t’er n’gholl shaghey, v’ad scruit son yn ynsagh ain; trooid meenid as gerjagh ny scriptyryn dy voddagh treishteil ve ain.

Romanee 4:8

Bannit ta’n dooinney nagh vel y Chiarn cur peccah ny lieh.

Deuteronomy 3:24

O Hiarn Yee, t’ou er n’yannoo toshiaght dy hoilshaghey da dty harvaant dty phooar, as dty laue niartal: son quoi’n Jee, edyr ayns niau ny er y thalloo, oddys jannoo cordail rish dty obbraghyn, as cordail rish dty niart?

Deuteronomy 32:20

As dooyrt eh, M’eddin neem’s y hyndaa voue, as hee-ym cre’n erree hig orroo: son sheeloghe feer frowartagh ad, cloan nagh vel veg y treisht orroo.

Deuteronomy 32:39

Jeeagh-jee nish, dy nee mish, eer mish ny-lomarcan eh, as cha vel ayn jee erbee mârym: mish ta coyrt baase, as bioys; mish ta coyrt chingys, as slaynt: chamoo ta fer erbee oddys livrey ass my laue.

Deuteronomy 32:4

Eshyn y Chreg, ta e obbraghyn jeant ayns creenaght erskyn earroo: son ta ooilley e raaidyn briwnys: Jee dy ynrickys, as fegooish mee-chairys; kiart as jeeragh t’eh.

Deuteronomy 4:35

Dhyt’s ve er ny hoilshaghey, dy voddagh tushtey ’ve ayd, dy nee’n Chiarn ta Jee; cheu-mooie jeh hene cha vel Jee erbee.

Deuteronomy 4:39

Toig, er-y-fa shen yn laa shoh, as gow gys dty chree, dy vel yn Chiarn ny Yee ayns niau heose, as er y thalloo wass: cha vel Jee erbee elley.

1 Peddyr 1:16

Son t’eh scruit, Bee-jee casherick, son ta mish casherick.