1 Samuel 2:18 - Yn Vible Casherick 1775 1819

¹⁸ Agh ren y lhiannoo Samuel shirveish gys y Chiarn, coamrit lesh ephod aanrit.

1 Samuel 2:18 ပူးပေါင်းရင်းမြစ်များ

2 Samuel 6:14

As ren David daunsin fenish y Chiarn lesh ooilley e niart, as va David coamrit lesh ephod aanrit.

1 Recortyssyn 15:27

As va David er ny choamrey lesh garmad dy aanrit keyl, as ooilley ny Leviteyn va fo’n arg, as ny arranee, as Chenaniah mainshtyr yn arrane, marish ny fir-chiaullee: va er David neesht ephod aanrit.

Exodus 28:4

As shoh ny garmadyn nee ad jannoo, breast-plate as ephod, as garmad liauyr, as cooat laatshit, as mitre, as cryss: as nee ad garmadyn casherick da Aaron dty vraar, as e vec, dy vod eh jannoo shirveish dooys ayns oik y taggyrt.

Leviticus 8:7

As hug eh er yn cooat, as chiangle eh yn cryss mysh, as hug eh er yn coamrey purple, as hug eh yn ephod er, as chiangle eh mysh cryss aalin yn ephod, as chiartee eh er eh:

1 Samuel 14:3

As myrgeddin Ahiah mac Ahitub, braar I-chabod, mac Phinehas, mac Eli, saggyrt y Chiarn ayns Shiloh, coamrit lesh yn ephod. As cha dennee yn pobble dy row Jonathan er n’immeeaght.

1 Samuel 2:11

As hie Elkanah gys Ramah gys e hie; as ren y lhiannoo shirveish gys y Chiarn fo Eli yn saggyrt.

1 Samuel 2:28

As ren mee eshyn y reih ass ooilley tribeyn Israel dy ve my haggyrt, dy hebbal er m’altar, dy lostey incense, dy ve coamrit lesh ephod ayns my enish? as dug mee da thie dt’ayrey ooilley ourallyn cloan Israel jeant lesh aile?

1 Samuel 22:18

As dooyrt y ree rish Doeg, Chyndaa uss, as tuitt er ny saggyrtyn. As hyndaa Doeg yn Edomite, as huitt eh er ny saggyrtyn, as varr eh er y laa shen kiare-feed as queig persoonyn va ceau coamrey casherick.

1 Samuel 3:1

As ren y lhiannoo Samuel shirveish gys y Chiarn fo Eli. As va goo’n Chiarn goaun ayns ny laghyn shen; cha row ashlish foshlit erbee.