1 Samuel 2:16 - Yn Vible Casherick 1775 1819

¹⁶ As my yarragh dooinney erbee rish, Lhig da’n eeh ve hoshiaght er ny lostey, as eisht gow wheesh as sailt; er shoh yarragh eh rish, Cha nee; agh nish hene ver oo dou eh: as mannagh der oo, goym eh er niart.

1 Samuel 2:16 ပူးပေါင်းရင်းမြစ်များ

Nehemiah 5:15

Agh ny kiannoortyn va roym, v’ad errey trome er y pobble, as er hroggal jeu arran as feeyn, marish da-eed shekel dy argid, ren eer ny sharvaantyn oc tranlaase er y theay: agh cha ren mish myr shen, son dy row mee fo aggle Yee.

Leviticus 3:16

As nee’n saggyrt lostey ad er yn altar: ta shoh bee yn oural ta jeant lesh aile, son soar millish. Ta ooilley’n eeh lesh y Chiarn.

Micah 3:5

Myr shoh ta’n Chiarn dy ghra mychione ny phadeyryn, ta coyrt shaghrynys er my phobble, ta lhottey lesh nyn veeacklyn, as fockley magh, Shee: as dy jarroo t’ad jannoo ad-hene aarloo gys caggey, noi eshyn nagh vel er lhieeney nyn meeal.

Briwnyn 18:25

As dooyrt cloan Dan rish, Ny lhig da dty choraa v’er ny chlashtyn ny mast’ ain, er-aggle dy duitt feallagh fargagh ort, as dy gaill oo dty vioys, marish bioys dty lught-thie.

1 Samuel 2:15

Myrgeddin roish my losht ad yn eeh, haink sharvaant y taggyrt, as dooyrt eh rish y dooinney va chebbal oural, Cur feill ry-hoi roastal son y taggyrt; son cha naillish feill vroie voïd, agh feill aw.

1 Samuel 2:17

Myr shoh va peccah ny deiney aegey feer trome kiongoyrt rish y Chiarn; son hug sleih dwoaie da oural y Chiarn.