1 Samuel 2:14 - Yn Vible Casherick 1775 1819

¹⁴ As woaill eh eh ’sy phan, ny’n chettle, ny’n choirrey, ny’n phot; ooilley ny hrog yn aall, ghow’n saggyrt da hene: shoh myr ren ad ayns Shiloh, rish ooilley ny Israeliteyn haink gys shen.

1 Samuel 2:14 ပူးပေါင်းရင်းမြစ်များ

Isaiah 56:11

Dy jarroo t’ad nyn moddee yollyssagh nagh vel dy bragh dy liooar oc; as t’ad nyn mochillyn gyn tushtey: t’ad ooilley geiyrt er nyn raaidyn hene, dagh unnane lurg e chosney hene veih dy chooilley ard.

Leviticus 7:34

Son y breast criht noon as noal, as y clingan troggit seose, ta mee er ghoaill veih ourallyn-shee chloan Israel, as er choyrt ad da Aaron y saggyrt, as da e vec, liorish slattys kinjagh mastey cloan Israel.

Micah 3:3

Ta myrgeddin gee feill my phobble, as fanney jeu nyn grackan, as t’ad brishey nyn graueyn, as broo ad ayns peeshyn, myr son y phot, as myr feill ayns y choirrey.

Malachi 1:10

Quoi ny-vud eu, yinnagh eer jeigh ny dorryssyn nastee? chamoo ta shiu foaddey aile er my altar nastee. Cha vel taitnys erbee aym ayndiu, ta Chiarn ny flaunyssee dy ghra, chamoo nee’m soiaghey jeh oural veih nyn laue.

1 Samuel 2:13

As ve cliaghtey ny saggyrtyn cheddin dy yannoo rish y pobble, tra va dooinney erbee chebbal oural, haink sharvaant y taggyrt, choud’s va’n eill dy vroie, lesh aall three-meïr ayns e laue;

1 Samuel 2:15

Myrgeddin roish my losht ad yn eeh, haink sharvaant y taggyrt, as dooyrt eh rish y dooinney va chebbal oural, Cur feill ry-hoi roastal son y taggyrt; son cha naillish feill vroie voïd, agh feill aw.

1 Samuel 2:29

Cre’n-fa ta shiu stampey fo-chosh my ourallyn as my hebballyn, ta mee er harey ayns my hie, as lowal da dty vec yn ooashley dy ve shirveishit roym’s, dy lhieeney shiu hene lesh y chooid share jeh ooilley ourallyn Israel my phobble?