1 Samuel 2:12 - Yn Vible Casherick 1775 1819

¹² Nish va mec Eli mec Velial; cha row aggle y Chiarn orroo.

1 Samuel 2:12 ပူးပေါင်းရင်းမြစ်များ

1 Reeaghyn 21:10

As soie-jee daa ghooinney, mec Velial, kiongoyrt rish, dy ymmyrkey feanish n’oï, gra, Ren uss loayrt goan mollaghtagh noi Jee, as goltooaney’n ree: eisht cur-jee lhieu eh magh, as clagh-jee eh dy baase.

1 Reeaghyn 21:13

As haink daa ghooinney stiagh, cloan Velial, as hoie ad kiongoyrt rish: as ren deiney Velial gymmyrkey feanish n’oï, eer noi Naboth, kiongoyrt rish y pobble, gra, Ren Naboth loayrt goan mollaghtagh noi Jee, as goltooaney’n ree. Eisht hug ad lhieu eh magh ass yn ard-valley, as chlagh ad eh lesh claghyn, dy dooar eh baase.

Jeremiah 2:8

Cha dooyrt ny fir-ynsee, Cre vel y Chiarn? as adsyn va’n leigh er nyn gurrym, cha bione daue mee: ny fir-reill myrgeddin ren ad olk m’oï, as ren ny phadeyryn phadeyrys liorish Baal, as hie ad geiyrt er fardail gyn-ymmyd.

Jeremiah 22:16

Ren eh briwnys cooish yn voght, as yn ymmyrchagh; eisht haink eh dy mie lesh: nagh row shoh son dy bione da mish? ta’n Chiarn dy ghra.

Jeremiah 9:3

As t’ad lhoobey nyn jengaghyn myr nyn mhow son breagyn; agh cha vel ad dunnal son yn ynrickys er y thalloo; son t’ad goll er nyn doshiaght veih olk dy olk, as cha vel enney oc orrym’s, ta’n Chiarn dy ghra.

Jeremiah 9:6

Ta dt’ynnyd-vaghee ayns mean molteyrys; trooid molteyrys t’ad gobbal dy chur enney orrym, ta’n Chiarn dy ghra.

Ezekiel 22:26

Ta ny saggyrtyn eck er vrishey my leigh, as my reddyn casherick t’ad er vee-ooashlaghey: cha vel ad er n’yannoo soiaghey erbee eddyr casherick as neu-chasherick, chamoo ta scansh oc eddyr glen as neu-ghlen, as t’ad er n’ollaghey nyn sooillyn veih my ghooneeyn, as ta mee er my oltooaney by-chyndagh roo.

Noo Ean 16:3

As ny reddyn shoh nee ad riu, er-yn-oyr nagh vel enney oc er yn Ayr, ny orrym’s.

Noo Ean 17:3

As shoh yn vea veayn, tushtey y ve oc jeed’s yn ynrycan Jee firrinagh, as jeh Yeesey Creest t’ou uss er choyrt.

Noo Ean 8:55

Ny-yeih cha nione diuish eh; agh shione dooys eh: as dy n’yiarrin nagh nione dou eh, veign my vreagerey goll riuish: agh shione dooys eh, as ta mee freayll yn raa echey.

Romanee 1:21

Er-yn-oyr tra va toiggal oc dy Yee, cha ren ad eh y ghloyraghey myr Jee, chamoo v’ad booisal, agh haink ad dy ve fardalagh ayns nyn smooinaghtyn; as va’n cree ommijagh oc fo dorraghys.

2 Corinthianee 6:15

As cre’n choardail t’ec Creest rish Belial? ny cre’n ayrn ta echeysyn ta credjal, marish an-chreestee?

Deuteronomy 13:13

Ta lheid ny deiney shen, cloan Velial, er n’gholl magh veih ny mast’ eu, as er hayrn ersooyl cummaltee yn ard-valley oc, gra, Lhig dooin goll, as shirveish jeeghyn elley (nagh bione diu)

Deuteronomy 13:14

Nee oo eisht briaght, as geddyn magh as feysht dy kiaralagh; as cur-my-ner, my ta’n chooish firrinagh, as dy vel eh, son shickyrys, myr shen, as dy fondagh er ny phrowal, dy vel lheid y peccah eajee jeant ny mast’ eu:

Briwnyn 19:22

Nish myr v’ad jannoo mooar jeu hene, cur-my-ner, ren shiartanse jeh deiney’n valley, mec Velial, chionney mysh y thie, as woaill ad ’sy dorrys, as loayr ad rish y chenn ghooinney, mainshtyr y thie, gra, Cur magh hooin yn dooinney shen haink stiagh gys dty hie, dy vod enney ’ve ain er.

Briwnyn 2:10

As va ooilley’n sheeloghe shen myrgeddin er nyn jaglym gys nyn ayraghyn: as hrog seose sheeloghe elley nyn yeï, nagh dug geill da’n Chiarn, ny foast da ny obbraghyn v’eh er n’yannoo son Israel.

1 Samuel 10:27

Agh dooyrt cloan Velial, Kys nee ’n dooinney shoh shinyn y livrey? As hoie ad beg jeh, as cha dug ad lhieu gioot erbee huggey: agh cha lhig eh monney er.

1 Samuel 25:17

Nish er-y-fa shen, gow coyrle, as smooinee cre share dhyt jannoo: son ta olk kiarit noi nyn mainshtyr, as noi ooilley e hie: son t’eh lheid y mac shen dy Velial, nagh vod dooinney loayrt rish.

1 Samuel 3:13

Son ta mee er n’insh da dy goym kerraghey er e hie, gys earishyn foddey, son y peccah nagh vel gyn-yss da; er-yn-oyr dy ren e vec ad-hene mollaghtagh, as nagh ren eh smaghtaghey ad.

1 Samuel 3:7

Shoh myr ren Samuel roish my bione da yn Chiarn, as roish my va goo’n Chiarn er ny hoilshaghey da.