1 Samuel 2:10 - Yn Vible Casherick 1775 1819

¹⁰ Bee noidyn y Chiarn brisht dy peeshyn: veih niau nee eh taarnaghey orroo: nee’n Chiarn briwnys ardjyn sodjey magh y theihll; as ver eh niart da e ree, as troggee eh dy ard eairk e er-ooilit.

1 Samuel 2:10 ပူးပေါင်းရင်းမြစ်များ

2 Samuel 22:14

Hug y Chiarn taarnagh veih niau, as ren y fer syrjey coyrt magh e choraa.

2 Samuel 7:13

Nee eshyn thie y hroggal son my ennym, as neem’s soiaghey seose stoyl-reeoil e reeriaght dy ve foddey beayn.

2 Samuel 7:8

Nish er-y-fa shen, myr shoh jir oo rish my harvaant David, Myr shoh ta’n Chiarn dy heshaght-flaunyss gra, Ghow mish oo veih ny bwoailtchyn keyrragh, veih goaill kiarail jeh ny kirree, dy ve fer-reill harrish my phobble Israel.

Lioar Yob 40:9

Vel roih ayd’s myr t’ec Jee? er-nonney vod oo taarnaghey lesh dty choraa goll-rishyn?

Psalmyn 132:17

Ny saggyrtyn eck nee’m y choamrey lesh slaynt: as gowee ny nooghyn eck boggey lesh arraneyn-moyllee.

Psalmyn 2:2

Ta reeaghyn y thallooin troggal seose, as ta ny fir-reill goaill coyrle cooidjagh: noi’n Chiarn, as noi’n fer-ooilit echey.

Psalmyn 2:6

Agh ta mish er hoiaghey seose my Ree: er Sion my chronk casherick.

Psalmyn 2:9

Nee uss ad y vroo lesh lorg-reill dy yiarn: as brishey ad ayns peeshyn myr saagh craie.

Psalmyn 20:6

Nish ta fys aym, dy vel y Chiarn cooney lesh e Er-ooilit, as dy der eh clashtyn da veih e niau chasherick: dy jarroo lesh troshid slayntoil e laue yesh.

Psalmyn 20:7

Ta paart coyrt nyn marrant gys fainaghyn, as paart gys cabbil: agh nee shinyn cooinaghtyn er Ennym y Chiarn, y Jee ain.

Psalmyn 21:1

Nee’n Ree boggey ’ghoaill ayns dty niart, O Hiarn: feer yennal vees eh jeh dty haualtys.

Psalmyn 28:8

Yn Chiarn my niart as my eïlley-caggee; ta my chree er dreishteil aynsyn, as ta mee er gheddyn cooney: shen-y-fa ta my chree lheim dyn voggey, as ayns my arrane neem eshyn y voylley.

Psalmyn 45:7

Ta dty stoyl, O Yee, farraghtyn son dy bragh: ta lorg-reill dty reeriaght lorg-reill chairagh.

Psalmyn 89:17

Bee yn taitnys oc gagh laa ayns dt’Ennym’s: as ayns dty chairys nee ad boggyssagh;

Psalmyn 89:24

Bwoaill-ym sheese e noidyn kiongoyrt rish yn eddin echey: as nee’m adsyn y stroie ta feoh oc ersyn.

Psalmyn 89:25

Bee m’irriney neesht as my vyghin mârish: as ayns m’Ennym’s bee’n niart echey er ny hoiaghey seose.

Psalmyn 96:13

Son t’eh cheet, t’eh cheet dy vriwnys y thalloo: as lesh cairys dy vriwnys y seihll, as y pobble lesh e ynrickys.

Psalmyn 98:9

Lhig da ny thooillaghyn nyn massyn y woalley, as lhig da ny croink ve gennal cooidjagh kiongoyrt rish y Chiarn: son t’eh cheet dy vriwnys y thalloo.

Exodus 15:6

Ta dty laue yesh, O Hiarn, er ve gloyroil ayns pooar: ta dty laue yesh, O Hiarn, er vroo yn noid dy myn.

Ecclesiastes 11:9

Gow boggey, O ghooinney aeg ayns dty aegid, as lhig da dty chree oo y gherjaghey ayns laghyn dty aegid, as jean gimmeeaght ayns raaidyn dty chree, as lurg shilley dty hooillyn hene: agh toig uss son ooilley ny reddyn shoh, dy der Jee lesh oo gys briwnys.

Ecclesiastes 12:14

Son ver Jee lesh dy chooilley obbyr gys briwnys, marish dy chooilley nhee follit, lhig da ve mie ny sie.

Isaiah 29:6

Bee oo er dty cherraghey liorish Chiarn ny flaunyssee lesh taarnagh, as lesh craa-hallooin, as feiyr mooar, lesh sterrym, as dorrin, as lossey dy aile stroialtagh.

Isaiah 32:1

Cur-my-ner, nee ree reill ayns ynrickys, as nee princeyn gymmyrkey reill ayns briwnys.

Isaiah 45:24

Dy firrinagh nee fer gra, Ayns y Chiarn ta aym ynrickys as niart: eer huggeysyn nee deiney cheet; as bee ooilley ny ta fargagh n’oï er nyn goyrt gys nearey.

Ezekiel 29:21

Er y laa shen ver-yms er eairk thie Israel dy chur magh, as ver-yms dhyt reamys glare nyn mastey, as bee fys ayd, dy nee mish y Chiarn.

Noo Mian 25:34

Eisht jir y ree roosyn er e laue yesh, Tar-jee chloan vannit my Ayrey, gow-jee eiraght ’sy reeriaght ta kiarit diu er-dy hoshiaght y theihll.

Noo Mian 28:18

As haink Yeesey, as loayr eh roo, gra, Ta dy chooilley phooar er ny chur dou ayns niau as er y thalloo.

Noo Luke 1:69

As t’eh er hroggal seose saualtys niartal er nyn son, ayns thie e harvaant David;

Noo Luke 19:27

Agh ad shen my noidyn nagh bailliu mish dy reill harrystoo, cur-jee lhieu ad ayns shoh, as cur-jee ad gy-baase kiongoyrt rhym.

Jannoo 10:38

Kys dy ren Jee Yeesey dy Nazareth y ooilaghey lesh y Spyrryd Noo, as lesh pooar; eh hie mygeayrt jannoo mie; as slaanaghey ooilley adsyn va seaghnit liorish y drogh-spyrryd: son va Jee mârish.

Jannoo 4:27

Son ayns firrinys noi dty lhiannoo casherick Yeesey, t’ou er ny ooilaghey, va chammah Herod as Pontius Pilate marish ny Ashoonee as pobble Israel er nyn jaglym cooidjagh,

2 Corinthianee 5:10

Son shegin dooin ooilley shassoo fenish stoyl-briwnys Chreest, dy vod dy chooilley unnane ve cooilleenit son ny reddyn ta jeant ayns y challin, cordail rish shen ny t’eh er n’yannoo, lhig eh ve mie ny sie.

Briwnyn 5:31

Shen myr lhig da ooilley dty noidyn cherraghtyn, O Hiarn: agh lhig dauesyn ta graihagh ersyn ve myr y ghrian tra te goll magh ayns e niart. As va’n cheer ec shee son da-eed bleïn.

1 Samuel 12:13

Nish er-y-fa shen, cur-jee my-ner yn ree ta shiu er reih, as ta shiu-hene er yeearree! as cur-my-ner, ta’n Chiarn er hoiaghey ree harrishdiu.

1 Samuel 12:17

Nagh vel eh jiu imbagh y fouyr-churnagh? neem’s geamagh gys y Chiarn, as ver eh neose taarnagh as fliaghey; dy vod shiu goaill tastey as fakin dy mooar nyn olkys ayns shilley’n Chiarn, ayns shirrey diu hene ree.

1 Samuel 12:18

Myr shen deïe Samuel gys y Chiarn; as hug y Chiarn taarnagh as fliaghey yn laa shen: as va ooilley’n pobble ayns lane aggle roish y Chiarn as Samuel.

1 Samuel 12:3

Cur-jee my-ner, ta mee ayns shoh: jean-jee feanish y ymmyrkey m’oï kiongoyrt rish y Chiarn, as kiongoyrt rish e er-ooilit: quoi veih ta mee er ghoaill dow? ny quoi veih ta mee er ghoaill assyl? ny quoi ta mee er volley? ny quoi er ta mee er n’yannoo tranlaase? ny quoi veih ta mee er ghoaill leagh erbee dy gholley my hooillyn lesh? as nee’m lhiasaghey diu er y hon.

1 Samuel 15:28

As dooyrt Samuel rish, Ta’n Chiarn er raipey reeriaght Israel voïd’s yn laa shoh, as er choyrt eh da dty naboo, ta ny share na uss.

1 Samuel 16:1

As dooyrt y Chiarn rish Samuel, Caïd nee oo dobberan son Saul, fakin dy vel mish er yiooldey rish veih reill harrish Israel? Lhieen dty eairk lesh ooil, as immee; ver-yms oo gys Jesse yn Beth-lehemite: son ta mee er chiarail dou hene ree mastey e vec.

1 Samuel 7:10

As myr va Samuel chebbal seose yn oural-losht, hayrn ny Philistinee er-gerrey gys caggey noi Israel: agh ren y Chiarn taarnaghey lesh tendreil atchimagh er ny Philistinee er y laa shen, as skeayl eh ad; as v’ad er nyn mwoalley roish Israel.