1 Samuel 19:8 - Yn Vible Casherick 1775 1819

⁸ As va caggey ayn reesht: as hie David magh, as ren eh caggey rish ny Philistinee, as ren eh traartys mooar ny-vud oc; as roie ad er-chea voish.

1 Samuel 19:8 ပူးပေါင်းရင်းမြစ်များ

1 Reeaghyn 20:21

As hie ree Israel magh, as woaill eh ny cabbil as ny fainee, as stroie eh ny Syrianee lesh cragh trome.

Psalmyn 27:3

Ga dy beagh sheshaght-caggee dy gheiney soit m’oï, foast cha bee my chree agglagh: as ga dy jinnagh caggey girree seose m’oï, foast ver-ym my varrant ersyn.

1 Samuel 18:14

As ren David gymmyrkey eh-hene dy creeney ayns ooilley e raaidyn: as va’n Chiarn mârish.

1 Samuel 18:30

Eisht hie princeyn ny Philistinee magh dy chaggey: as haink eh gy-kione, erreish daue v’er n’gholl magh, dy ren David gymmyrkey eh-hene ny s’dunnal na ooilley sharvaantyn Saul; myr shen dy row’n ennym echey dy mooar soit jeh.

1 Samuel 19:7

As deïe Jonathan er David, as dinsh eh da ooilley ny reddyn shen: as hug Jonathan lesh David gys Saul, as v’eh ayns yn eanish echey myr v’eh roïe.

1 Samuel 19:9

As va’n spyrryd olk veih’n Chiarn er Saul, myr v’eh ny hoie ayns e hie, as shleiy ny laue: as chloie David lesh e laue.

1 Samuel 23:5

Myr shen hie David as e gheiney gys Keilah, as ren eh caggey rish ny Philistinee, as ghow ad ersooyl y maase oc, as ren ad cragh trome ny-vud oc. Myr shen haue David cummaltee Keilah.