1 Samuel 19:7 - Yn Vible Casherick 1775 1819

⁷ As deïe Jonathan er David, as dinsh eh da ooilley ny reddyn shen: as hug Jonathan lesh David gys Saul, as v’eh ayns yn eanish echey myr v’eh roïe.

1 Samuel 19:7 ပူးပေါင်းရင်းမြစ်များ

Genesis 31:2

As hug Jacob tastey da eddin Laban, as cur-my-ner, cha row eh lesh myr ve roïe.

1 Recortyssyn 11:2

As marish shoh cha voddey er-dy-henney, eer tra va Saul ny ree, uss v’eh, hie magh as stiagh roish Israel ayns caggey: as rhyt’s dooyrt y Chiarn dty Yee, Uss nee bochillagh my phobble Israel, as uss nee reill harrish my phobble Israel.

Exodus 4:10

As dooyrt Moses rish y Chiarn, O my Hiarn, cha nee dooinney mee dy ghlare floaoil, chamoo roish, ny erreish dhyt loayrt rish dty harvaant: agh ta mee moal ayns glare as chengey.

Isaiah 30:33

Son s’foddey neayr’s va Tophet er ny oardaghey, eer cour yn ree te kiarit; t’eh er n’yannoo eh dowin as lhean: ta yn chreagh echey aile as lane fuygh, ta ennal y Chiarn myr strooan dy vrimstone dy oaddey eh.

1 Samuel 16:21

As haink David gys Saul, dy hirveish eh: as v’eh ayns ard foayr rish; as haink eh dy ve ny armyder fo.

1 Samuel 18:10

As haink eh gy-kione ny lurg shoh, dy daink spyrryd olk veih Jee er Saul, as v’eh branlaadee ayns mean e hie; as ren David cloie lesh e laue, myr bollagh eh: as va shleiy ayns laue Saul.

1 Samuel 18:13

Er-y-fa shen ren Saul eh y scughey foddey voish, as hug eh magh eh ny chaptan harrish thousane: as hie eh magh as haink eh stiagh lesh aïgh mie roish y pobble.

1 Samuel 18:2

As ghow Saul eh yn laa cheddin, as cha lhiggagh eh da goll roish arragh gys thie e ayrey.

1 Samuel 19:6

As deaisht Saul rish coraa Yonathan: as loo Saul, Myr ta’n Chiarn bio, cha bee eh er ny varroo.

1 Samuel 19:8

As va caggey ayn reesht: as hie David magh, as ren eh caggey rish ny Philistinee, as ren eh traartys mooar ny-vud oc; as roie ad er-chea voish.