1 Samuel 19:5 - Yn Vible Casherick 1775 1819

⁵ Son hug eh e vioys ayns e laue, as varr eh yn Philistine, as dobbree’n Chiarn saualtys mooar son Israel: honnick oo-hene eh, as ghow boggey jeh; cre’n-fa eisht, nee oo aggair y yannoo noi fuill gyn-loght, dy varroo David gyn oyr?

1 Samuel 19:5 ပူးပေါင်းရင်းမြစ်များ

2 Samuel 23:10

Hrog eh er, as woaill eh ny Philistinee, derrey va’n laue echey skee, as lhiannee e laue gys y chliwe: as dobbree’n Chiarn barriaght vooar y laa shen; as cha hyndaa’n pobble mârish, agh dy spooilley.

1 Recortyssyn 11:14

As hass ad, mygeayrt y ghrunt shen, as haue ad eh, as varr ad ny Philistinee, as ren y Chiarn ad y hauail liorish livrey cronnal.

1 Recortyssyn 11:18

As vrish y three trooid sheshaght-caggee ny Philistinee, as hayrn ad ushtey ass chibbyr Veth-lehem, va liorish y yiat; as hug ad lhieu eh gys David: agh dob David giu jeh, agh gheayrt eh magh eh myr oural gys y Chiarn,

Psalmyn 109:5

Nee dooinney mee-chrauee reill y ymmyrkey harrish: as shassee Noid-ny-hanmey ec e laue yesh.

Psalmyn 119:109

Ta m’annym dy kinjagh ayns my laue: ny-yeih cha vel mee jarrood dty leigh.

Psalmyn 25:3

Jeeagh dou dty raad, O Hiarn: as ynsee dou dty chassanyn.

Psalmyn 69:4

Adsyn ta dwoaie oc orrym gyn oyr, t’ad ny shlee na renaigyn my ching: adsyn ta my noidyn, as bailliu mish ta neu-chyndagh y stroie, t’ad niartal.

Psalmyn 94:21

T’ad chaglym cooidjagh noi annym y dooinney cairagh: as deyrey gys baase yn uill neu-chyndagh.

Exodus 14:13

As dooyrt Moses rish y pobble, Ny bee aggle erriu; shass-jee, as cur-jee my-ner yn saualtys nee’n Chiarn soilshaghey diu er y laa shoh: son ny Egyptianee ta shiu er vakin jiu, cha vaik shiu ad dy bragh arragh.

Jeremiah 26:15

Agh toig-jee son shickyrys, my ver shiu mee dy baase, ver shiu lhieu son shickyrys fuill neu-chyndagh erriu hene, as er yn ard-valley shoh, as er ny cummaltee eck: son dy firrinagh-focklagh hug y Chiarn mish magh hiu, dy loayrt ooilley ny goan shoh ayns nyn glashtyn.

Noo Mian 27:24

Tra honnick Pilate nagh dug ad geill da e choyrle, agh dy row ad aarloo dy irree-magh, ghow eh ushtey, as niee eh e laueyn kiongoyrt rish y pobble, gra, Ta mish neu-chyndagh jeh fuill yn phersoon cairagh shen, jeeagh-jee shiuish da.

Noo Mian 27:4

Gra, Ta mee er n’yannoo peccah, ayns dy vel mee er vrah yn uill neu-chyndagh. As dooyrt adsyn, Cre ta shen dooinyn? jeeagh uss da shen.

Noo Ean 15:25

Agh ta shoh, dy vod y raa ve cooilleenit ta scruit ayns y leigh oc, Hug ad dwoaie dou gyn oyr.

Jannoo 20:24

Agh cha vel veg jeh ny reddyn shoh dy my agglagh, chamoo ta mee soiaghey jeh my vioys hene, my oddym agh my choorse y chooilleeney lesh boggey, as y chirveish ta er my churrym veih’n Chiarn Yeesey, dy ymmyrkey feanish gys sushtal grayse Yee.

Philippianee 2:30

Er-yn-oyr son obbyr Chreest v’eh ayns dangeyr baaish, gyn soiaghey jeh e vioys hene dy yannoo magh hym’s shen ny va shiuish ergooyl ayns nyn ghiastyllys.

Hebrewnee 2:3

Kys oddys shinyn scapail, my nee mayd mee-rioose er saualtys cha gloyroil, va hoshiaght focklit magh liorish y Chiarn, as v’er ny hickyraghey dooinyn lioroosyn cheayll eh;

Briwnyn 12:3

As tra honnick mee nagh daink shiu dy chooney lhiam, hug mee my vioys ayns my laueyn, as hie mee harrish noi cloan Ammon, as ren y Chiarn ad y livrey fo my laueyn: cre’n-oyr eisht ta shiu er jeet seose yn laa jiu, dy chaggey m’oï?

Briwnyn 9:17

(Son ren my ayr caggey er nyn son lesh gaue e vioys, as ren eh livrey shiu as laue Vidian;

1 Samuel 11:13

As dooyrt Saul, Cha bee dooinney er ny choyrt gy-baase y laa shoh: son jiu ta’n Chiarn er n’obbraghey livrey-ys mooar da Israel.

1 Samuel 14:45

As dooyrt y pobble rish Saul, Bee Jonathan er ny choyrt gy-baase, ta er n’obbraghey lheid y varriaght mooar shoh ayns Israel? Ny lhig eh Jee: myr ta’n Chiarn bio, cha jean un renaig jeh e chione tuittym gys y thalloo; son t’eh er n’obbraghey marish Jee yn laa shoh. Myr shen ren y pobble Jonathan y hauail, nagh dooar eh baase.

1 Samuel 19:6

As deaisht Saul rish coraa Yonathan: as loo Saul, Myr ta’n Chiarn bio, cha bee eh er ny varroo.

1 Samuel 20:32

As dreggyr Jonathan Saul e ayr, as dooyrt eh rish, Cre’n-fa vees eh er ny stroie? cre’n foill t’eh er n’yannoo?

1 Samuel 22:14

Eisht dreggyr Ahimelech y ree as dooyrt eh, As quoi mastey ooilley dty harvaantyn ta cha firrinagh as David, ta mac-’sy-leigh yn ree, as shirveish oo dy arryltagh, as ta ooasle ayns dty hie?

1 Samuel 28:21

As haink y ven gys Saul, as honnick ee dy row eh dy mooar seaghnit, as dooyrt ee rish, Cur-my-ner, ta dty inney-veyl er chur biallys da dty choraa, as ta mee er choyrt my vioys ayns my laue, as er n’eaishtagh rish ny goan loayr oo rhym: