1 Samuel 19:4 - Yn Vible Casherick 1775 1819

⁴ As loayr Jonathan fockle mie son David rish Saul e ayr, as dooyrt eh rish, Ny lhig da’n ree peccah yannoo noi e harvaant, noi David; er-yn-oyr nagh vel eh er n’yannoo peccah dt’oï, as er-yn-oyr dy vel eh er hirveish oo dy firrinagh.

1 Samuel 19:4 ပူးပေါင်းရင်းမြစ်များ

Genesis 42:22

As loayr Reuben roo, gra, Nagh loayr mish riuish, gra, Ny cur-jee laue er y lhiannoo, as cha n’eaishtagh shiu rhym? shen-y-fa, cur-jee my-ner nish, ta loght yn uill echey orrin.

Genesis 9:6

Quoi-erbee ta deayrtey fuill dooinney liorish dooinney bee yn uill echeysyn er ny gheayrtey; son ayns caslys Yee hie dooinney er croo.

2 Recortyssyn 6:22

My ta dooinney jannoo aggair da e naboo, as currym currit er dy ghoaill e loo, as y loo dy heet kiongoyrt rish dt’altar ’sy thie shoh.

Psalmyn 35:12

Deeck ad dooys olk son mie: gys mee-gherjagh mooar m’annym.

Psalmyn 59:4

T’ad roie as jannoo ad-hene aarloo fegooish foill erbee aynym’s: trog ort er-y-fa shen dy chooney lhiam, as cur-my-ner.

Raaghyn Creeney 17:13

Quoi-erbee chooilleenys olk er son mie, nee’n olk lhiantyn gys e hie.

Jeremiah 18:20

Nee olk vees er ny chooilleeney son mie? son t’ad er chleiy ooig son m’annym. Cooinee dy hass mish seose kiongoyrt rhyt’s dy loayrt ass y lieh oc, as dy hyndaa ersooyl voue dty yymmoose.

1 Corinthianee 8:12

Agh tra ta shiu myr shoh cur oyr peccah raad ny braaraghyn, as gortaghey yn chooinsheanse annoon oc, ta shiu jannoo peccah noi Creest.

1 Ean 3:15

Quoi-erbee ta dwoaie echey er e vraar, t’eh ny ghunver: as ta fys eu nagh vel ec dunver erbee yn vea dy bragh farraghtyn tannaghtyn ayn.

1 Samuel 2:25

My ta dooinney jannoo aggair da dooinney, nee’n briw reaghey’n chooish eddyr ad: agh my nee dooinney peccah noi’n Chiarn, quoi hig eddyr ad? Ny-yeih cha dug ad geill da coraa nyn ayr; shen-y-fa va’n Chiarn kiarit dy stroie ad.

1 Samuel 20:32

As dreggyr Jonathan Saul e ayr, as dooyrt eh rish, Cre’n-fa vees eh er ny stroie? cre’n foill t’eh er n’yannoo?

1 Samuel 22:14

Eisht dreggyr Ahimelech y ree as dooyrt eh, As quoi mastey ooilley dty harvaantyn ta cha firrinagh as David, ta mac-’sy-leigh yn ree, as shirveish oo dy arryltagh, as ta ooasle ayns dty hie?