1 Samuel 19:23 - Yn Vible Casherick 1775 1819

²³ As hie eh gys Naioth liorish Ramah, as va Spyrryd Yee ersyn myrgeddin, as hie eh er e hoshiaght phadeyrys, derrey haink eh gys Naioth liorish Ramah.

1 Samuel 19:23 ပူးပေါင်းရင်းမြစ်များ

Raaghyn Creeney 16:9

Ta cree dooinney kiarail ro-laue: agh shee yn Chiarn ta reill e chesmadyn.

Raaghyn Creeney 21:1

Ta cree y ree ayns laue y Chiarn, myr ny strooanyn ushtey: t’eh dy hyndaa ad raad saillish hene.

Earrooyn 23:5

As hug y Chiarn fockle ayns beeal Valaam, as dooyrt eh, Chyndaa reesht gys Balak, as shoh myr nee oo loayrt.

Earrooyn 24:2

As hrog Balaam seose e hooillyn, as honnick eh Israel tannaghtyn ayns e chabbaneyn, cordail rish ny tribeyn oc, as haink spyrryd Yee er.

Noo Mian 7:22

Jir ymmodee rhym’s ’sy laa shen, Hiarn, Hiarn, nagh vel shin er n’yannoo phadeyrys ayns dt’ennym’s? as ayns dt’ennym er chastey drogh-spyrrydyn? as ayns dt’ennym er n’yannoo ymmodee obbraghyn yindyssagh?

Noo Ean 11:51

As shoh loayr eh, cha nee jeh hene: agh v’eh ny ard-saggyrt yn vleïn shen, as ren eh phadeyrys dy voghe Yeesey baase son yn ashoon shen:

1 Corinthianee 13:2

As ga dy beagh aym yn gioot dy adeyrys, as dy doiggin dagh folliaght, as dy chooilley hushtey; as ga dy beagh aym dy chooilley chredjue myr shen dy voddin sleityn y scughey, as gyn graih ve aym, cha vel mee veg.

1 Samuel 10:10

As tra v’ad er jeet gys y chronk, cur-my-ner, haink sheshaght d’adeyryn ny whail; as va Spyrryd Yee er, as ghow eh arraneyn-moyllee mâroo.

1 Samuel 10:12

As dreggyr fer, as dooyrt eh, Agh quoi e ayr? Shen-y-fa haink eh dy ve shenn-raa, Vel Saul myrgeddin mastey ny phadeyryn?

1 Samuel 10:6

As hig Spyrryd y Chiarn ort hene, as gowee oo arraneyn-moyllee mâroo, as bee oo er dty chaghlaa gys dooinney elley.

1 Samuel 18:10

As haink eh gy-kione ny lurg shoh, dy daink spyrryd olk veih Jee er Saul, as v’eh branlaadee ayns mean e hie; as ren David cloie lesh e laue, myr bollagh eh: as va shleiy ayns laue Saul.

1 Samuel 19:18

Er shoh chossyn David ersooyl lesh e vioys, as haink eh gys Samuel ec Ramah, as dinsh eh da ooilley ny va Saul er n’yannoo rish: as hie eh-hene as Samuel, as ren ad cummal ayns Naioth.

1 Samuel 19:20

As hug Saul chaghteryn dy ghoaill David: as tra honnick ad y cheshaght dy adeyryn phadeyrys, as Samuel ny hassoo myr mainshtyr harrystoo, haink Spyrryd Yee er chaghteryn Saul, as ren adsyn phadeyrys myrgeddin.

1 Samuel 19:22

Eisht hie eh-hene myrgeddin gys Ramah, as haink eh gys y chibbyr vooar t’ec Sechu, as dênee eh, as dooyrt eh, C’raad ta Samuel as David? As dooyrt fer, Cur-my-ner, t’ad ec Naioth liorish Ramah.