1 Samuel 19:18 - Yn Vible Casherick 1775 1819

¹⁸ Er shoh chossyn David ersooyl lesh e vioys, as haink eh gys Samuel ec Ramah, as dinsh eh da ooilley ny va Saul er n’yannoo rish: as hie eh-hene as Samuel, as ren ad cummal ayns Naioth.

1 Samuel 19:18 ပူးပေါင်းရင်းမြစ်များ

Psalmyn 116:11

Cre’n cooilleeney ver-ym da’n Chiarn: son ooilley ny bannaghtyn t’eh er hoilshaghey dou?

Jamys 5:16

Gow-jee rish nyn voiljyn yn derrey yeh da’n jeh elley, as gow-jee padjer yn derrey yeh son y jeh elley, dy vod shiu v’er nyn lheihys: S’mooar y bree t’ayns padjer jeean creeoil yn dooinney crauee.

1 Samuel 1:19

As dirree ad seose dy moghey, as hug ad ooashley kiongoyrt rish y Chiarn, as hyndaa ad, as haink ad gys nyn dhie hene ayns Ramah: as ren Elkanah gerjaghey Hannah e ven, as chooinee’n Chiarn urree.

1 Samuel 15:34

Eisht hie Samuel gys Ramah; as hie Saul seose gys e hie gys Gibeah Saul.

1 Samuel 19:19

As ve inshit da Saul, gra, Cur-my-ner, ta David ee Naioth ayns Ramah.

1 Samuel 19:22

Eisht hie eh-hene myrgeddin gys Ramah, as haink eh gys y chibbyr vooar t’ec Sechu, as dênee eh, as dooyrt eh, C’raad ta Samuel as David? As dooyrt fer, Cur-my-ner, t’ad ec Naioth liorish Ramah.

1 Samuel 19:23

As hie eh gys Naioth liorish Ramah, as va Spyrryd Yee ersyn myrgeddin, as hie eh er e hoshiaght phadeyrys, derrey haink eh gys Naioth liorish Ramah.

1 Samuel 20:1

As chossyn David roish veih Naioth ec Ramah, as haink eh, as dooyrt eh rish Jonathan, Cre ta mee er n’yannoo? cre ta my loght? as cre ta my pheccah kiongoyrt rish dty ayr, dy vel eh shirrey my vioys?

1 Samuel 21:11

As dooyrt sharvaantyn Achish rish, Nagh nee shoh David ree yn cheer? nagh ren ad arraneyn y ghoaill ry-cheilley my-e-chione ’sy daunsin, gra, Ta Saul er varroo e housaneyn, as David e yeih thousaneyn?

1 Samuel 28:3

Nish va Samuel marroo, as va ooilley Israel er ghobberan er e hon, as ren ad eh y oanluckey ayns Ramah, yn ard-valley echey hene. As va Saul er n’eiyrt ass y cheer adsyn va cur-rish faishnys, as fir-obbee.

1 Samuel 7:17

As haink eh reesht gys Ramah; son shen y raad va e chummal: as ayns shen v’eh briwnys Israel; as ayns shen hrog eh altar gys y Chiarn.