1 Samuel 19:17 - Yn Vible Casherick 1775 1819

¹⁷ As dooyrt Saul rish Michal, Cre’n-fa t’ou myr shoh er my volley, as er lhiggey’n raad da my noid, dy vel eh er scapail? As dreggyr Michal Saul, Dooyrt eh rhym, Lhig dou goll; er-nonney marr-ym oo.

1 Samuel 19:17 ပူးပေါင်းရင်းမြစ်များ

2 Samuel 17:20

As tra haink sharvaantyn Absalom gys y thie, dooyrt ad rish y ven, Cre vel Ahimaaz as Jonathan? As dooyrt y ven roo, T’ad er n’gholl harrish y trooan. As tra v’ad er vriaght, as nagh dooar ad skeeal jeu, hyndaa ad gys Jerusalem.

2 Samuel 2:22

As dooyrt Abner reesht rish Asahel, Chyndaa dy lhiattee veih geiyrt orrym’s; nagh lhieg-yms oo gys y thalloo: kys eisht oddin’s m’eddin y yeeaghyn da Joab dty vraar?

1 Reeaghyn 21:20

As dooyrt Ahab rish Elijah, Vel oo er my gheddyn magh, O my noid? As dreggyr eh, Ta mee er gheddyn magh oo; er-yn-oyr dy vel oo er chreck oo-hene dy obbraghey olk ayns shilley’n Chiarn.

Noo Mian 2:16

Eisht Herod toiggal dy row eh mollit liorish ny deiney-creeney, v’eh erskyn-towse eulyssagh, as hug eh magh sarey, as varr eh ooilley ny lhiennoo-mec v’ayns Bethlehem, as ayns ooilley ny ardjyn shen, veih daa vleïn dy eash as fo, corrym rish y traa v’eh dy imneagh er vriaght jeh ny deiney-creeney.

Galatianee 4:16

Vel mee er-y-fa shen er jeet dy ve nyn noid, er-yn-oyr dy vel mee ginsh diu yn irriney?

1 Samuel 19:14

As tra hug Saul chaghteryn dy ghoaill David, dooyrt ee, T’eh ching.

1 Samuel 19:16

As tra va ny chaghteryn er jeet stiagh, cur-my-ner, va jalloo ayns y lhiabbee, lesh pillow dy gheaysh ghoair son e volstyr.

1 Samuel 22:17

As dooyrt y ree rish y ghard va mygeayrt-y-mysh, Chyndaa-jee er saggyrtyn y Chiarn, as marr-jee ad, er-yn-oyr dy vel y laue oc lesh David, as son dy row fys oc tra hie eh er-chea, as cha dinsh ad dou eh. Agh cha jinnagh sharvaantyn y ree sheeyney magh laue dy huittym er saggyrtyn y Chiarn.

1 Samuel 28:12

As tra honnick y ven Samuel, deïe ee lesh ard choraa: as loayr y ven rish Saul, gra, Cre’n-fa t’ou er my volley? son she uss Saul.