1 Samuel 19:10 - Yn Vible Casherick 1775 1819

¹⁰ As hir Saul dy woalley David eer gys y voalley lesh y shleiy; agh lheim eh dy lhiattee veih feanish Saul, as woaill eh yn shleiy stiagh ’sy voalley: as chossyn David ersooyl, as haue eh eh-hene yn oie shen.

1 Samuel 19:10 ပူးပေါင်းရင်းမြစ်များ

Psalmyn 124:7

Ta’n cooney ainyn shassoo ayns Ennym y Chiarn: ta er chroo niau as thalloo.

Psalmyn 18:17

Nee eh m’y livrey veih my noidyn s’troshey, as vouesyn ta dwoaie oc orrym: son t’ad ro lajer er my hon.

Psalmyn 34:19

S’mooar ta seaghyn y fer-cairal: agh ta’n Chiarn cur feaysley da assdoo ooilley.

Psalmyn 37:32

Ta leigh e Yee ayns e chree: as cha jean e chesmadyn skyrraghtyn.

Raaghyn Creeney 1:16

Son ta ny cassyn oc roie gys olk, as jannoo siyr gys deayrtey folley.

Raaghyn Creeney 21:30

Cha vel creenaght, ny tushtey, ny coyrle, noi yn Chiarn.

Isaiah 54:17

Greïe-caggee erbee ta troggit dt’oï, cha jig eh lesh; as dy chooilley hengey hroggys dt’oï ayns briwnys nee oo y gheyrey. Shoh eiraght shirveishee yn Chiarn; as ta’n ynrickys oc voym’s, ta’n Chiarn dy ghra.

Hosea 6:4

O Ephraim, cre nee’m er dty hon? O Yudah, cre nee’m er dty hon’s? son ta nyn mieys myr bodjal ’sy vadran, as myr y druight moghey te lheïe ersooyl.

Noo Mian 10:23

Agh tra nee ad tranlaase erriu ayns un ard-valley, cosne-jee reue gys ard-valley elley: son ta mee shickyrys diu, nagh bee shiu er n’gholl harrish ard-valjyn Israel, derrey vees Mac y dooinney er jeet.

Noo Luke 4:30

Agh hie eh magh trooid mean y cheshaght, as jimmee eh roish:

Noo Ean 10:39

Er shoh v’ad reesht son y ghoaill eh: agh chossyn eh ass nyn laueyn,

Hebrewnee 11:34

Ren niart yn aile y vooghey, scape ad foyr y chliwe, ayns annooinid v’ad er nyn niartaghey, daase ad dunnal ayns caggey, hug er sheshaghtyn-caggee ny joarreeyn dy roie er-chea.

1 Samuel 18:10

As haink eh gy-kione ny lurg shoh, dy daink spyrryd olk veih Jee er Saul, as v’eh branlaadee ayns mean e hie; as ren David cloie lesh e laue, myr bollagh eh: as va shleiy ayns laue Saul.

1 Samuel 18:11

As hilg Saul y shleiy; son dooyrt eh, bwoaill-ym David lesh eer gys y voalley. As chossyn David ass e hilley daa cheayrt.

1 Samuel 19:6

As deaisht Saul rish coraa Yonathan: as loo Saul, Myr ta’n Chiarn bio, cha bee eh er ny varroo.

1 Samuel 20:33

As hilg Saul shleiy er dy varroo eh: liorish shoh va fys ec Jonathan dy row e ayr kiarit dy stroie David.