1 Samuel 19:1 - Yn Vible Casherick 1775 1819

¹ As loayr Saul rish Jonathan e vac, as rish ooilley e phobble, ad dy varroo David.

1 Samuel 19:1 ပူးပေါင်းရင်းမြစ်များ

Genesis 37:18

As tra chronnee ad eh, eer my daink eh er-gerrey daue, hug ad nyn goyrle dy cheilley, dy varroo eh.

2 Samuel 4:8

As hug ad lhieu kione Ish-bosheth gys David ec Hebron, as dooyrt ad rish y ree, Jeeagh shoh dhyt kione Ish-bosheth mac Saul, dty noid, va shirrey dty vioys; as ta’n Chiarn er y laa shoh er n’ghoaill cooilleeney ayns lieh my hiarn y ree er Saul as e luight.

1 Samuel 18:1

As haink eh gy-kione tra v’eh erreish loayrt rish Saul, dy row annym Yonathan as annym Ghavid sniemmit dy cheilley, as bynney lesh Jonathan eh myr yn annym echey hene.

1 Samuel 18:25

As dooyrt Saul, Myr shoh jir shiu rish David, Cha vel y ree shirrey toghyr erbee, agh keead chymmylt jeh ny Philistinee, dy ghoaill cooilleeney er noidyn y ree. Agh smooinee Saul dy chur er David tuittym liorish laue ny Philistinee.

1 Samuel 18:3

Eisht ren Jonathan as David conaant ry-cheilley, er-yn-oyr dy bynney lesh eh myr e annym hene.

1 Samuel 18:8

As va Saul feer chorree, as hug y raa shoh sou er e aigney; as dooyrt eh, Gys lieh Ghavid t’ad er choyrt jeih thousaneyn, as my lieh’s cha vel ad er choyrt agh thousaneyn: as cre smoo baillish nish agh y reeriaght?

1 Samuel 18:9

As va drogh hooill ec Saul er David veih’n laa shen magh.

1 Samuel 19:2

Agh v’ec Jonathan mac Saul lane taitnys ayns David: as dinsh Jonathan da David, gra, Ta Saul m’ayr shirrey dy dty varroo: nish er-y-fa shen, ta mee guee ort, gow kiarail jeed hene derrey’n voghrey, as fuirree ayns ynnyd follit, as jean oo-hene y cheiltyn:

1 Samuel 20:1

As chossyn David roish veih Naioth ec Ramah, as haink eh, as dooyrt eh rish Jonathan, Cre ta mee er n’yannoo? cre ta my loght? as cre ta my pheccah kiongoyrt rish dty ayr, dy vel eh shirrey my vioys?

1 Samuel 20:19

As lurg dhyt farkiagh three laa, eisht hed oo sheese dy tappee, as hig oo gys yn ynnyd raad v’ou follit roïe tra va’n chooish ayns laue, as nee oo fuirriaght liorish y chlagh Ezel.