1 Samuel 18:8 - Yn Vible Casherick 1775 1819

⁸ As va Saul feer chorree, as hug y raa shoh sou er e aigney; as dooyrt eh, Gys lieh Ghavid t’ad er choyrt jeih thousaneyn, as my lieh’s cha vel ad er choyrt agh thousaneyn: as cre smoo baillish nish agh y reeriaght?

1 Samuel 18:8 ပူးပေါင်းရင်းမြစ်များ

Genesis 37:11

As ren e vraaraghyn troo mysh: agh smooinee e ayr dy dowin er y raa.

Genesis 37:8

As dooyrt e vraaraghyn rish, Jean uss dy jarroo reill harrin? nee ayd’s vees yn ard reill harrin? as wheesh shen smoo dy ghwoaie foast v’oc er, son e ghreamallyn as son e ghoan.

1 Reeaghyn 2:22

As dreggyr ree Solomon, as dooyrt eh rish e voir, As kys te vel dy oo shirrey Abishag yn Shunammite da Adonijah? shir yn reeriaght da neesht; (son she eh my vraar shinney;) eer er y hon-syn, as er son Abiathar yn saggyrt, as er son Joab mac Zeruiah.

Esther 3:5

As tra honnick Haman, nagh chroym Mordecai huggey, as nagh dug eh ooashley da, eisht va Haman lane dy sproght.

Raaghyn Creeney 13:10

Ynrycan liorish moyrn ta anvea brishey magh: agh ta creenaght mâroosyn ta goaill coyrle vie.

Raaghyn Creeney 27:4

Ta jymmoose red eulyssagh, as corree mee-reiltagh; agh quoi oddys shassoo roish troo?

Ecclesiastes 4:4

Reesht smooinee mee er ooilley tooilleil dooinney, as er dy chooilley obbyr yeeragh, eer son shoh dy vel e naboo troo mysh. Ta shoh myrgeddin fardail, as seaghney cree.

Earrooyn 11:1

As tra ren y pobble tallagh, hug shoh jymmoose er y Chiarn: as ren y Chiarn clashtyn eh, as va e chorree er ny vrasnaghey, as ren aile y Chiarn lostey ny-vud oc, as stroie eh adsyn va ayns ny ayrnyn sodjey magh jeh’n champ.

Earrooyn 22:34

As dooyrt Balaam rish ainle y Chiarn, Ta mee er n’yannoo peccah; son ve gyn-yss dou, dy row uss dty hassoo ’sy raad roym: nish er-y-fa shen, my te noi dt’aigney, chyndaa-ym thie reesht.

Jamys 4:5

Vel shiu smooinaghtyn dy vel y scriptyr gra ayns fardail, Ta’n spyrryd ta cummal aynin greinnaghey gys troo?

1 Samuel 13:14

Agh nish cha bee dty reill agh giare: ta’n Chiarn er reih da dooinney lurg e chree hene, as ta’n Chiarn er phointeil eh ny chaptan harrish e phobble, er-yn-oyr nagh vel oo er vreaylley shen ny ren y Chiarn dty harey.

1 Samuel 15:28

As dooyrt Samuel rish, Ta’n Chiarn er raipey reeriaght Israel voïd’s yn laa shoh, as er choyrt eh da dty naboo, ta ny share na uss.

1 Samuel 16:13

Eisht ghow Samuel yn eairk dy ooil, as ren eh eh y ooilaghey er-lheh veih e vraaraghyn: as haink Spyrryd y Chiarn er David veih’n laa shen magh. Myr shen dirree Samuel, as hie eh gys Ramah.

1 Samuel 18:9

As va drogh hooill ec Saul er David veih’n laa shen magh.

1 Samuel 19:1

As loayr Saul rish Jonathan e vac, as rish ooilley e phobble, ad dy varroo David.

1 Samuel 20:31

Son choud’s ta mac Jesse bio er eaghtyr y thallooin, cha bee oo er dty niartaghey ayns dty reeriaght: shen-y-fa, cur fys er, as lhiat hym eh, son bee eh dy shickyr er ny choyrt gy-baase.