1 Samuel 18:7 - Yn Vible Casherick 1775 1819

⁷ As dreggyr ny mraane yn derrey yeh yn jeh elley myr v’ad cloie, as dooyrt ad, Ta Saul er varroo e housaneyn, as David e yeih thousaneyn.

1 Samuel 18:7 ပူးပေါင်းရင်းမြစ်များ

2 Samuel 18:3

Agh dreggyr y pobble, Cha jed uss magh; son my ver shinyn cooyl, cha jean ad scansh j’inyn; chamoo my vees y derrey lieh j’inyn giarit jeh vees soiaghey jeant j’in: agh nish sheeagh uss jeih thousaneyn j’inyn: shen-y-fa nish, te ny share uss dy choyrt cooney magh hooin ass yn ard-valley.

2 Samuel 23:1

Nish ad shoh goan s’jerree Ghavid. Dooyrt David mac Jesse, as y dooinney v’er ny hroggal seose dy ard, as fer-ooilit Jee Yacob, as kiaulleyder millish Israel, dooyrt eh,

2 Samuel 6:5

As chloie David as ooilley thie Israel fenish y Chiarn, er dy chooilley horch dy ghreïnyn-kiaullee jeant dy uys, er claasaghyn as psaltereeyn, as er timbrelyn, as er cornettyn, as er cymballyn.

Exodus 15:21

As hie Miriam lhieu, Jean-jee kiaulleeaght gys y Chiarn; son t’eh dy gloyroil er gheddyn barriaght; yn cabbyl as e varkiagh t’eh er vaih ’syn aarkey.

1 Samuel 21:11

As dooyrt sharvaantyn Achish rish, Nagh nee shoh David ree yn cheer? nagh ren ad arraneyn y ghoaill ry-cheilley my-e-chione ’sy daunsin, gra, Ta Saul er varroo e housaneyn, as David e yeih thousaneyn?

1 Samuel 21:12

As ghow ny goan shoh greme dowin ayns cree Ghavid, as v’eh ayns aggle feer vooar roish Achish ree Ghath.

1 Samuel 29:5

Nagh nee shoh’n David cheddin, my-e-chione ghow ad arrane ry-cheilley ayns daunsin, gra, Varr Saul e housaneyn, as David e yeih thousaneyn?