1 Samuel 18:6 - Yn Vible Casherick 1775 1819

⁶ As shoh myr ve, tra haink ad back, lurg da David ve er varroo yn Philistine, dy daink ny mraane ass ooilley ard-valjyn Israel, goaill arraneyn, as daunsin, dy veeiteil ree Saul, lesh tabretyn, lesh gennallys, as lesh greïnyn-kiaullee.

1 Samuel 18:6 ပူးပေါင်းရင်းမြစ်များ

2 Samuel 1:20

Ny insh-jee shoh ayns Gath, ny lhig da ve focklit magh ayns straidyn Askelon; er-aggle dy gow inneenyn ny Philistinee boggey, as dy jean inneenyn ny chymmyltee boggyssagh.

2 Samuel 6:5

As chloie David as ooilley thie Israel fenish y Chiarn, er dy chooilley horch dy ghreïnyn-kiaullee jeant dy uys, er claasaghyn as psaltereeyn, as er timbrelyn, as er cornettyn, as er cymballyn.

Psalmyn 149:3

Lhig daue moylley yn Ennym echey ayns y daunsin: lhig daue arraneyn-moyllee ’ghoaill huggey lesh tabret as y chlaasagh;

Psalmyn 68:11

Ren y Chiarn yn fockle y choyrt: s’mooar va sheshaght ny preachooryn.

Psalmyn 68:25

T’adsyn ta goaill arraneyn shooyl hoshiaght, adsyn ta jannoo bingys er greïnyn-kiaull cheet nyn yeï: ayns y vean ta ny mraane-aegey cloie er ny timbrelyn.

Exodus 15:20

As ren y phadeyr Miriam, shuyr Aaron, greïe-chiaull y ghoaill ’sy laue eck; as deiyr ooilley ny mraane urree lesh greinyn-kiaullee, as lesh daunsin.

Exodus 15:21

As hie Miriam lhieu, Jean-jee kiaulleeaght gys y Chiarn; son t’eh dy gloyroil er gheddyn barriaght; yn cabbyl as e varkiagh t’eh er vaih ’syn aarkey.

Isaiah 30:32

As ayns dy chooilley voayl raad huittys builley atchimagh y lorg, shen lhie-ys y Chiarn er, bee eh lesh tabretyn as claasaghyn: son ayns caggaghyn atchimagh nee eh caggey nyn ’oï.

Briwnyn 11:34

As haink Jephthah gys e hie ec Mizpeh, as cur-my-ner, haink yn inneen echey magh ny whail, lesh greïnyn-kiaullee as daunsin; as v’ee e ynrycan lhiannoo, cha row cloan arragh echey.

1 Samuel 18:5

As hie David magh [ayns caggey] raad erbee dy dug Saul eh, as ren eh gymmyrkey eh hene dy tastagh: as hoie Saul eh harrish ny deiney-caggee; as v’eh ayns ard foayr rish ooilley’n pobble, as myrgeddin rish fir-oik Saul.