1 Samuel 18:30 - Yn Vible Casherick 1775 1819

³⁰ Eisht hie princeyn ny Philistinee magh dy chaggey: as haink eh gy-kione, erreish daue v’er n’gholl magh, dy ren David gymmyrkey eh-hene ny s’dunnal na ooilley sharvaantyn Saul; myr shen dy row’n ennym echey dy mooar soit jeh.

1 Samuel 18:30 ပူးပေါင်းရင်းမြစ်များ

2 Samuel 11:1

As haink eh gy-kione ec toshiaght ny bleeaney, yn imbagh ta reeaghyn cliaghtey dy gholl magh dy chaggey, dy dug David magh Joab as e gheiney mârish, as ooilley deiney reiht Israel; as stroie ad cloan Ammon, as chruinnee ad stiagh Rabbah. Agh duirree David ec Jerusalem.

2 Samuel 7:9

As va mish mayrt, raad erbee dy jagh oo, as ta mee er yiarey jeh ooilley dty noidyn ass dty hilley, as er choyrt dhyt ennym ooasle, goll-rish enmyn ny deiney mooarey t’er y thalloo.

2 Reeaghyn 1:13

As hug eh reesht captan y trass lieh-cheead, as e heshaght. As hie trass chaptan y lieh-cheead seose, as haink eh as huitt eh er e ghlioonyn kiongoyrt rish Elijah, as ren eh aghin huggey, as dooyrt eh rish, O ghooinney dy Yee, ta mee guee ort, lhig da my vioys, as bioys ny jeih as da-eed shoh dty harvaantyn, ve deyr ayns dty hilley.

Psalmyn 116:15

Cheb-ym hood’s yn oural dy hoyrt-booise: as nee’m geamagh er Ennym y Chiarn.

Psalmyn 119:99

Ta ny smoo dy hushtey aym na t’ec my ir-ynsee: son ayns dty recortyssyn ta mee baarail my smooinaghtyn.

Raaghyn Creeney 12:8

Yiow dooinney moylley rere e chreenaght: agh bee eshyn ta jeh cree mitchooragh beg soit jeh.

Daniel 1:20

As ayns dy chooilley chooish dy chreenaght as toiggal, va’n ree briaght jeu, hooar eh ad jeih keayrtyn share na ooilley ny deiney-creeney as rollageydee v’ayns ooilley e reeriaght.

Noo Luke 21:15

Son ver-yms diu beeal as creenaght, nagh bee ooilley nyn noidyn son loayrt ny shassoo magh n’oï.

Ephesianee 5:15

Jeeagh-jee eisht dy jean shiu gimmeeaght dy tastagh, cha nee myr ommydanyn, agh myr sleih creeney,

1 Peddyr 2:4

Cheet huggeysyn, myr gys clagh bio, mee-lowit dy jarroo liorish deiney, agh reiht liorish Jee, as deyr,

1 Peddyr 2:7

Diuish er-y-fa shen ta credjal, t’eh deyr: agh dauesyn ta mee-viallagh, ta’n chlagh ren ny masoonee y vee-lowal, er jeet dy ve yn ard-chlagh chorneilagh,

1 Samuel 18:29

As son shoh va Saul foast ayns aggle smoo roish David; as haink Saul dy ve noid David dy kinjagh.

1 Samuel 18:5

As hie David magh [ayns caggey] raad erbee dy dug Saul eh, as ren eh gymmyrkey eh hene dy tastagh: as hoie Saul eh harrish ny deiney-caggee; as v’eh ayns ard foayr rish ooilley’n pobble, as myrgeddin rish fir-oik Saul.

1 Samuel 19:8

As va caggey ayn reesht: as hie David magh, as ren eh caggey rish ny Philistinee, as ren eh traartys mooar ny-vud oc; as roie ad er-chea voish.

1 Samuel 2:30

Shen-y-fa ta’n Chiarn, Jee Israel, gra, Dooyrt mee, dy jarroo, dy jinnagh dty hie’s, as thie dt’ayrey shirveish kiongoyrt rhym son dy bragh: agh nish ta’n Chiarn gra, Dy row shen foddey voym; son ver-yms ooashley dauesyn, ta coyrt ooashley dou as bee beg er ny hoiaghey jeusyn, ta soiaghey beg jeem’s.

1 Samuel 26:21

Eisht dooyrt Saul, Ta mee er n’yannoo dy olk: chyndaa, my vac Ghavid; son cha jean-ym maghey shoh skielley dhyt, er-yn-oyr dy row my vioys deyr ayns dty hilley er y laa shoh: cur-my-ner, ta mee er n’yannoo dy ommijagh, as er ve dy mooar er-shaghryn.

1 Samuel 26:24

As cur-my-ner, myr va dty vioys dy mooar soit jeh jiu ayns my hooillyn, myr shen lhig da my vioys ve dy mooar soit jeh liorish y Chiarn, as dy gooidsave lesh mish y livrey ass dy chooilley ghaue.