1 Samuel 18:23 - Yn Vible Casherick 1775 1819

²³ As loayr sharvaantyn Saul ny goan cheddin ayns clashtyn Ghavid. As dooyrt David, Vel shiu jeeaghyn er myr red fardalagh dy ve mac-’sy-leigh da ree, fakin dy vel mish my ghooinney boght, as beg soit jee’m.

1 Samuel 18:23 ပူးပေါင်းရင်းမြစ်များ

Genesis 29:20

As ren Jacob shirveish shiaght bleeaney son Rachel: as cha row ad da agh myr earish yiare, son y ghraih v’echey urree.

Genesis 34:12

Shir-jee wheesh as sailliu dy hoghyr as dy chooid, as ver-yms cordail myr ver shiu orrym: agh cur-jee dou yn ven aeg son ben.

Psalmyn 119:141

Ta mee fardalagh, as beg er ny hoiaghey jee’m: ny-yeih cha vel mee jarrood dt’annaghyn.

Raaghyn Creeney 14:20

Ta beg soit jeh’n voght liorish e naboo hene: agh t’ec y verchagh caarjyn dy liooar.

Raaghyn Creeney 29:5

Dooinney ta brynneraght rish e naboo, t’eh skeayley lieen son e chassyn.

1 Ean 3:1

Cur-my-ner, cre’n sorch dy ghraih ta’n Ayr er stowal orrin, dy beagh shin enmyssit nyn gloan dy Yee: shen-y-fa cha vel enney ec y theihll orrin, er-y-fa nagh row enney echey ersyn.

1 Samuel 18:18

As dooyrt David rish Saul, Quoi mish? as cre ta my vea, ny lught-thie m’ayrey ayns Israel, dy beign mac-’sy-leigh yn ree?

1 Samuel 18:22

As hug Saul sarey da e harvaantyn, gra, Loayr-jee rish David dy follit, as abbyr-jee, Cur-my-ner, ta’n ree goaill taitnys aynyd, as shinney lesh ooilley e harvaantyn oo: nish er-y-fa shen, bee uss mac-’sy-leigh yn ree.

1 Samuel 18:24

As dinsh sharvaantyn Saul da, gra, Shoh myr loayr David.

1 Samuel 9:21

As dreggyr Saul as dooyrt eh, Nagh nee Benjamite mee, jeh’n tribe sloo coontit ayns Israel? as nagh vel my chynney’s ny s’fardalee na ooilley kynneeyn tribe Venjamin? cre’n-fa eisht t’ou loayrt rhym’s er yn aght shoh?