1 Samuel 18:17 - Yn Vible Casherick 1775 1819

¹⁷ As dooyrt Saul rish David, Cur-my-ner, my inneen shinney Merab, ish ver-ym dhyt son ben; ynrycan bee uss dunnal er my hon, as jean caggey ayns lieh’n Chiarn: son dooyrt Saul, Ny lhig da my laue’s ve er, agh lhig da tuittym liorish laueyn ny Philistinee.

1 Samuel 18:17 ပူးပေါင်းရင်းမြစ်များ

2 Samuel 11:15

As hug eh ayns y screeuyn, gra, Soie-jee Uriah ayns eer toshiaght ny rankyn, raad s’dewilley ta’n caggey, as tayrn-jee veih, dy vod eh tuittym, as geddyn baase.

2 Samuel 12:9

Cre’n-fa t’ou er hoiaghey beg jeh anney’n Chiarn, dy yannoo olk ayns e hilley? T’ou er varroo Uriah yn Hittite lesh y chliwe, as er ghoaill y ven echey dy ve son ben dhyt hene, as t’ou er varroo eh lesh cliwe cloan Ammon.

2 Samuel 6:16

As myr haink arg y Chiarn stiagh ayns ard-valley Ghavid, yeeagh Michal inneen Saul trooid uinniag, as honnick ee ree David lheimyragh as daunsin fenish y Chiarn, as hoie ee beg jeh ayns e cree.

Psalmyn 12:2

T’ad taggloo jeh fardail dagh unnane rish e naboo: cha vel ad agh brynneraght lesh nyn meillyn, as jannoo molteyrys ayns nyn gree dooble.

Psalmyn 55:21

Chur eh e laueyn orroosyn va ayns shee rish: as vrish eh e chonaant.

Raaghyn Creeney 26:24

Ta’n goanlyssagh brynneraght lesh e veillyn, as keiltyn e oalsaght cheu-sthie jeh;

Raaghyn Creeney 26:25

Tra t’eh coyrt glare aalin, ny cred eh: son ta olkys shiaght-filley ayns e chree.

Raaghyn Creeney 26:26

Eh ta keiltyn myskid lesh kialg, bee yn olkys echeysyn cronnit fenish yn slane theay.

Earrooyn 21:14

Shen-y-fa te er ny imraa ayns lioar caggaghyn y Chiarn, Cre v’eh er n’yannoo ’syn Aarkey Jiarg, as ayns strooanyn Arnon,

Earrooyn 32:20

As dooyrt Moses roo, My nee shiu shoh, my hed shiu eïllit roish y Chiarn gys y chaggey,

Earrooyn 32:27

Agh hed dty harvaantyn harrish, dagh dooinney ayns coamrey-caggee, fenish y Chiarn gys y vagher-caggee, myr ta my hiarn dy ghra.

Earrooyn 32:29

As dooyrt Moses roo, My hed cloan Ghad, as cloan Reuben mêriu harrish Jordan, dy chooilley ghooinney ayns e choamrey-caggee roish y Chiarn, as dy bee’n cheer er ny ghoaill kiongoyrt riu; eisht ver shiu daue thalloo Ghilead son eiraght:

Deuteronomy 17:7

Bee laueyn ny feanishyn hoshiaght er, dy choyrt gy-baase eh, as eisht laueyn y slane pobble: myr shoh ver oo ersooyl yn olk veih ny mast’ eu.

1 Samuel 14:49

Nish va mec Saul, Jonathan, as Ishui, as Melchi-shua: as shoh va enmyn y daa inneen echey; ennym yn unnane shinney Merab, as ennym yn unnane saa Michal:

1 Samuel 17:25

As dooyrt deiney Israel, Vel shiu er vakin y dooinney shoh t’er jeet seose? son shickyrys dy chur y-lane fo Israel t’eh er jeet: yn dooinney er-y-fa shen varrys eh, nee’n ree eh y chooilleeney lesh mooarane berchys, as ver eh da e inneen, as nee eh thie e ayrey seyr ayns Israel.

1 Samuel 17:36

Varr dty harvaant chammah yn lion, as y vuc-awin; as bee’n Philistine chymmyltagh shoh myr unnane jeusyn, fakin dy vel eh er choyrt y-lane fo armeeyn y Jee bio.

1 Samuel 17:47

As bee fys ec y slane sheshaght shoh nagh vel y Chiarn sauail lesh cliwe as shleiy: son ta’n caggey lesh y Chiarn, as nee eh shiuish y livrey gys ny laueyn ainyn.

1 Samuel 18:21

As dooyrt Saul, Ver-yms ee da dy ve son ribbeh da, as dy vod laue ny Philistinee ve n’oï. Shen-y-fa dooyrt Saul rish David, Bee uss jiu my vac-’sy-leigh lesh unnane jeh’n jees.

1 Samuel 18:25

As dooyrt Saul, Myr shoh jir shiu rish David, Cha vel y ree shirrey toghyr erbee, agh keead chymmylt jeh ny Philistinee, dy ghoaill cooilleeney er noidyn y ree. Agh smooinee Saul dy chur er David tuittym liorish laue ny Philistinee.

1 Samuel 18:27

Shen-y-fa dirree David, as hie eh-hene as e gheiney, as varr eh jeh ny Philistinee daa cheead dooinney; as hug David lesh ny chymmyltyn oc, as hug eh stiagh ad ayns slane coontey da’n ree, dy voddagh eh ve mac-’sy-leigh da’n ree. As hug Saul Michal e inneen da son ben.

1 Samuel 25:28

Leih dou, ta mee guee ort, loght dty harvaant: son nee’n Chiarn son shickyrys thie my hiarn y niartaghey: er-yn-oyr dy vel my hiarn caggey ayns lieh’n Chiarn, as cha vel olkys er ve cronnit aynyd ooilley dty laghyn.

1 Samuel 30:26

As tra haink David gys Ziklag, hug eh kuse jeh’n spooilley gys shanstyr Yudah, eer gys e chaarjyn, (gra, Cur-my-ner, gioot er nyn son, jeh spooilley noidyn y Chiarn;)