1 Samuel 18:14 - Yn Vible Casherick 1775 1819

¹⁴ As ren David gymmyrkey eh-hene dy creeney ayns ooilley e raaidyn: as va’n Chiarn mârish.

1 Samuel 18:14 ပူးပေါင်းရင်းမြစ်များ

Genesis 39:23

Cha yeeagh arreyder y phryssoon gys nhee erbee dy row fo e laue; er-y-fa dy row yn Chiarn mârish; as shen ny v’eh dy yannoo, hug y Chiarn er dy vishaghey.

2 Samuel 5:10

As hie David er e hoshiaght, as haink eh lesh dy mie; as va’n Chiarn Jee dy heshaght-flaunyss mârish.

2 Reeaghyn 18:7

As va’n Chiarn mârish; as cre-erbee ghow eh ayns laue haink eh lesh: as dirree eh magh noi ree Assyria, as dob eh dy eeck keesh da.

1 Recortyssyn 18:13

As hug eh garrisonyn ayns Edom; as haink ooilley ny Edomiteyn dy ve fo reill Ghavid. Myr shoh ren y Chiarn David y choadey raad erbee dy jagh eh.

1 Recortyssyn 18:6

Eisht hug David garrisonyn ayns Syria Damascus; as haink ny Syrianee dy ve fo reill Ghavid, as v’ad fo keesh. Shoh myr ren y Chiarn David y choadey raad erbee dy jagh eh.

2 Recortyssyn 17:3

As va’n Chiarn marish Jehoshaphat, er-y-fa dy jimmee eh ayns ny shenn raaidyn e ayr David, as cha deiyr eh er Baalim;

Psalmyn 101:2

O lhig da tushtey y ve aym: ayns y raad dy chraueeaght.

Noo Mian 1:23

Cur-my-ner nee moidyn gientyn, as ver ee mac son y theihll, as nee ad genmys eh Emmanuel, ta shen dy ghra, Jee mârin.)

Noo Mian 28:20

Gynsaghey daue dy reayll dy chooilley nhee cre-erbee ta mish er chur ayns sarey diu: as cur-my-ner, ta mish mêriu kinjagh, eer gys jerrey yn theihll. Amen.

Jannoo 18:10

Son ta mish mayrt, as cha soie-ee dooinney erbee ort dy yannoo aggair dhyt: son ta mooarane sleih aym’s ’syn ard-valley shoh.

Joshua 6:27

Myr shoh va’n Chiarn marish Joshua; as hie goo jeh magh trooid ooilley yn cheer.

Briwnyn 1:19

As va’n Chiarn marish Judah, as deiyr eh magh mooinjer-ny-ard, agh cha voddagh eh geiyrt magh cummaltee’n choan, er-yn-oyr dy row oc fainee yiarn.

1 Samuel 10:7

As hig eh gy-kione, tra hig ny cowraghyn shoh ort, dy jean uss gymmyrkey oo-hene myr vees feme rish; son ta Jee mayrt.

1 Samuel 16:18

Eisht dreggyr fer jeh ny sharvaantyn, as dooyrt eh, Cur-my-ner, ta mee er vakin fer jeh mee Jesse yn Beth-lehemite, dy vel eh cloieder schleioil, as dooinney feer dunnal, as dooinney caggee, as tushtagh ayns cooishyn, as persoon stoamey, as ta’n Chiarn mârish.

1 Samuel 18:15

Shen-y-fa tra honnick Saul dy row eh gymmyrkey eh-hene feer chreeney, v’eh ayns aggle roish.

1 Samuel 19:8

As va caggey ayn reesht: as hie David magh, as ren eh caggey rish ny Philistinee, as ren eh traartys mooar ny-vud oc; as roie ad er-chea voish.

1 Samuel 3:19

As daase Samuel, as va’n Chiarn mârish, as cha lhig eh da veg jeh e ghoan dy huittym gys y thalloo.