1 Samuel 18:1 - Yn Vible Casherick 1775 1819

¹ As haink eh gy-kione tra v’eh erreish loayrt rish Saul, dy row annym Yonathan as annym Ghavid sniemmit dy cheilley, as bynney lesh Jonathan eh myr yn annym echey hene.

1 Samuel 18:1 ပူးပေါင်းရင်းမြစ်များ

Genesis 44:30

Nish er-y-fa shen, tra hig-ym gys dty harvaant m’ayr, as nagh bee’n scollag mârin; (fakin dy vel y vioys echeysyn kianlt seose ayns bioys y scollag)

2 Samuel 1:26

Ta mee seaghnit er dty hon, my vraar Yonathan: s’dooie t’ou er ny ve dou, as graihagh orrym: as dty ghraih er my hon’s yindyssagh, erskyn graih mraane.

1 Recortyssyn 12:17

As hie David magh nyn guail, as dreggyr eh, as dooyrt eh roo, My ta shiu er jeet hym dy sheeoil dy chooney lhiam, bee my chree sniemmit hiu: agh my ta shiu er jeet dy my vrah gys my noidyn, fakin nagh vel aggair ayns my laueyn, dy jean Jee nyn ayraghyn jeeaghyn er, as briwnys.

Psalmyn 86:11

Ynsee dooys dty raad, O Hiarn, as nee’m gimmeeaght ayns dt’irriney: O jean my chree y sniemmey hood, dy voddym aggle y ghoaill roish dt’Ennym.

Raaghyn Creeney 18:24

Eshyn ta caarjyn echey, shegin da jeeaghyn eh-hene myr carrey: as ta carrey ayn lhiannys hood ny s’chenney na braar erbee.

Deuteronomy 13:6

My nee dty vraar mac dty vayrey, ny dty vac, ny dty inneen, ny ben dty oghrish, ny dty charrey, ta myr dty annym hene, miolaghey oo dy follit, gra, Lhig dooin goll, as shirveish jeeghyn joarree (nagh row enney edyr ayd hene, ny ec dty ayraghyn orroo)

Colossianee 2:2

Dy vod ny creeaghyn oc ve er nyn gherjaghey, sniemmit cooidjagh ayns graih, as gys dy chooilley verchys as slane shickyrys jeh tushtey, dy ghoaill rish folliaght Yee, dy jarroo yn Ayr, as jeh Creest;

Briwnyn 20:11

Myr shen va ooilley deiney Israel er nyn jaglym noi’n ard-valley, sniemmit dy cheilley myr un dooinney.

1 Samuel 14:45

As dooyrt y pobble rish Saul, Bee Jonathan er ny choyrt gy-baase, ta er n’obbraghey lheid y varriaght mooar shoh ayns Israel? Ny lhig eh Jee: myr ta’n Chiarn bio, cha jean un renaig jeh e chione tuittym gys y thalloo; son t’eh er n’obbraghey marish Jee yn laa shoh. Myr shen ren y pobble Jonathan y hauail, nagh dooar eh baase.

1 Samuel 18:3

Eisht ren Jonathan as David conaant ry-cheilley, er-yn-oyr dy bynney lesh eh myr e annym hene.

1 Samuel 19:1

As loayr Saul rish Jonathan e vac, as rish ooilley e phobble, ad dy varroo David.

1 Samuel 19:2

Agh v’ec Jonathan mac Saul lane taitnys ayns David: as dinsh Jonathan da David, gra, Ta Saul m’ayr shirrey dy dty varroo: nish er-y-fa shen, ta mee guee ort, gow kiarail jeed hene derrey’n voghrey, as fuirree ayns ynnyd follit, as jean oo-hene y cheiltyn:

1 Samuel 20:17

As hug Jonathan er David dy heet harrish e vreearrey reesht, er-yn-oyr dy bynney lesh eh: son dy bynney lesh eh myr e annym hene.

1 Samuel 20:8

Shen-y-fa nee oo dellal myr carrey rish dty harvaant; son t’ou er n’yannoo conaant fenish y Chiarn eddyr uss as dty harvaant: ny-yeih, my ta mee-chairys aynym, marr mee oo-hene; son cre’n-fa yinnagh oo m’y livrey gys dty ayr?

1 Samuel 22:8

Dy vel shiu ooilley ayns coyrle follit m’oï, as nagh vel veg jiu soilshaghey dou dy vel my vac er n’yannoo conaant rish mac Jesse, as nagh vel unnane eu ta chymmoil orrym, ny ginsh dou dy vel my vac er ghreinnaghey my harvaant m’oï, dy lhie farkiagh er my vioys, myr ec y traa shoh?

1 Samuel 23:18

As ren ad shoh ny-neesht conaant y yannoo fenish y Chiarn. As duirree David ayns y cheyll, as hie Jonathan gys e hie.