1 Samuel 17:52 - Yn Vible Casherick 1775 1819

⁵² As dirree deiney Israel as Judah, as dyllee ad, as deiyr ad er ny Philistinee, derrey haink ad gys y choan, as gys giattyn Ekron: as huitt ymmodee jeh ny Philistinee va lhottit er y raad gys Shaaraim, eer gys Gath, as gys Ekron.

1 Samuel 17:52 ပူးပေါင်းရင်းမြစ်များ

2 Samuel 23:10

Hrog eh er, as woaill eh ny Philistinee, derrey va’n laue echey skee, as lhiannee e laue gys y chliwe: as dobbree’n Chiarn barriaght vooar y laa shen; as cha hyndaa’n pobble mârish, agh dy spooilley.

1 Reeaghyn 20:21

As hie ree Israel magh, as woaill eh ny cabbil as ny fainee, as stroie eh ny Syrianee lesh cragh trome.

Joshua 15:11

As hie’n chagliagh magh my-hwoaie, gys lhiattee Ekron: as va’n chagliagh er ny hayrn gys Shicron, as roie eh jeeragh magh gys cronk Baalah, as hie eh magh gys Jabneel; as va kione sodjey magh y chagliagh ec yn aarkey.

Briwnyn 7:23

As va deiney Israel er nyn jaglym cooidjagh veih Naphtali, as Asher, as veih Manasseh, as deiyr ad er ny Midianiteyn.

1 Samuel 17:53

As hyndaa cloan Israel reesht veih geiyrt er ny Philistinee, as spooill ad ny cabbaneyn oc.

1 Samuel 5:10

Shen-y-fa hug ad arg Yee gys Ekron. As haink eh gy-kione, myr haink arg Yee gys Ekron, dy deïe ny Ekroniteyn magh, gra, T’ad er chur lhieu mygeayrt arg Yee Israel hooinyn, dy stroie shin as y pobble ain.

1 Samuel 5:8

Hug ad er-y-fa shen fys, as haggil ad ooilley chiarnyn ny Philistinee huc, as dooyrt ad, Cree nee mayd lesh arg Yee Israel? As dreggyr ad, Lhig da arg Yee Israel ve er ny choyrt lesh mygeayrt gys Gath. As hug ad lhieu arg Yee Israel mygeayrt gys shen.