1 Samuel 17:49 - Yn Vible Casherick 1775 1819

⁴⁹ As hug David e laue ayns e spagey, as ghow eh clagh ass, as sling eh eh, as woaill eh yn Philistine ayns glaare e eddin, dy ren y chlagh sinkeil ayns glaare e eddin; as huitt eh gour e vullee gys y thalloo.

1 Samuel 17:49 ပူးပေါင်းရင်းမြစ်များ

1 Reeaghyn 22:34

As ren dooinney dy row tayrn bow er ventyr, as woaill eh ree Israel eddyr juntyn yn eilley-caggee: shen-y-fa dooyrt eh rish immanagh yn ainagh, Chyndaa dty laue, as cur lhiat mee magh ass y chaggey; son ta mee guint.

2 Reeaghyn 9:24

As hayrn Jehu bow lesh ooilley e niart as woaill eh Joram eddyr e gheayltyn, dy jagh y tide trooid e chree, as huitt eh sheese ’syn ainagh.

1 Samuel 17:48

As haink eh gy-kione, tra hrog y Philistine er dy hayrn er-gerrey da David, dy ren David siyr, as roie eh lesh yn armee dy gholl quail y Philistine.

1 Samuel 17:50

Myr shoh hooar David y varriaght er y Philistine lesh sling as lesh clagh, as woaill eh yn Philistine, as varr eh eh; agh cha row cliwe ayns laue Ghavid.

1 Samuel 19:5

Son hug eh e vioys ayns e laue, as varr eh yn Philistine, as dobbree’n Chiarn saualtys mooar son Israel: honnick oo-hene eh, as ghow boggey jeh; cre’n-fa eisht, nee oo aggair y yannoo noi fuill gyn-loght, dy varroo David gyn oyr?