1 Samuel 17:45 - Yn Vible Casherick 1775 1819

⁴⁵ Eisht dooyrt David rish y Philistine, T’ou uss cheet m’oï lesh cliwe, as lesh shleiy, as lesh scape; agh ta mish cheet dt’oï’s ayns ennym y Chiarn dy phooaraghyn niau, Jee armeeyn Israel, t’ou uss er choyrt nyn-lane foue.

1 Samuel 17:45 ပူးပေါင်းရင်းမြစ်များ

2 Recortyssyn 14:10

Eisht hie Asa magh n’oï, as hayrn ad magh ayns order-caggee ayns coan Zephathah ec Mareshah.

2 Recortyssyn 32:8

Mârishyn ta niart y roih foalley, agh mârinyn ta’n Chiarn nyn Yee, dy chooney lhien, as dy chaggey ass nyn lieh. As hug y pobble nyn marrant er goan Hezekiah ree Yudah.

Psalmyn 18:2

Neem’s geamagh er y Chiarn, ta feeu dy ve er ny voylley: myr shen bee’m sauchey veih my noidyn.

Psalmyn 20:8

T’adsyn er nyn goyrt fo-chosh, as er duittym: agh ta shinyn er droggal, as shassoo dy shickyr.

Psalmyn 3:8

Ta Saualtys bentyn gys y Chiarn: as ta dty vannaght er dty phobble.

Psalmyn 44:6

Dty hrooid’s ver mayd nyn noidyn fo-chosh: as ayns dty ennym nee mayd stampey sheese adsyn ta girree seose nyn ’oï.

Raaghyn Creeney 18:10

Ta ennym y Chiarn toor lajer: ta’n dooinney cairagh chea huggey, as t’eh ayns sauchys.

Isaiah 37:23

Quoi shen t’ou uss er oltooaney, as er loayrt goan mollaghtagh n’oï? as quoi n’oï t’ou er n’ockley magh dty choraa, as dy mooaralagh er hroggal dty hooillyn? eer noi Jee casherick Israel.

Isaiah 37:28

Agh shione dooys dty oayll as dty gholl magh as dty heet stiagh, as dty eulys m’oï.

2 Corinthianee 10:4

(Son cha vel ny greinyn-caggee ain jeh stoo foalley, agh niartal trooid Jee dy lhieggal sheese tooryn lajer.)

2 Corinthianee 3:5

Cha nee dy vel shin fondagh j’in hene dy smooinaghtyn nhee erbee myr j’in hene; agh ta’n phooar ain veih Jee.

Philippianee 4:13

Foddym dy chooilley nhee y yannoo trooid Creest ta dy my niartaghey.

1 Samuel 17:10

As dooyrt y Philistine, Ta mee cur y-lane fo armeeyn Israel y laa shoh: cur-jee dooinney hym, dy vod mayd caggey ry-cheilley.

1 Samuel 17:26

As loayr David rish ny deiney hass liorish, gra, Cre vees jeant son y dooinney varrys yn Philistine shoh, as scughys yn scammylt shoh veih Israel? son quoi’n Philistine chymmyltagh shoh, dy goghe eh er dy choyrt y-lane fo armeeyn y Jee bio.

1 Samuel 17:36

Varr dty harvaant chammah yn lion, as y vuc-awin; as bee’n Philistine chymmyltagh shoh myr unnane jeusyn, fakin dy vel eh er choyrt y-lane fo armeeyn y Jee bio.

1 Samuel 17:6

As va boadrymyn prashey er e lurgaghyn, as plaityn prashey eddyr e gheayltyn.