1 Samuel 17:43 - Yn Vible Casherick 1775 1819

⁴³ As dooyrt y Philistine rish David, Nee moddey mee, dy vel oo cheet hym lesh lorg? As ghwee yn Philistine da David liorish e yeeghyn.

1 Samuel 17:43 ပူးပေါင်းရင်းမြစ်များ

Genesis 27:29

Lhig da pobble uss y hirveish, as ashoonyn croymmey hood; bee uss chiarn harrish dty vraaraghyn, as lhig mec dty vayrey biallys ’chur dhyt: bee mollaght ersyn ta guee mollaght ort, as bee bannaght ersyn ta dy dty vannaghey.

2 Samuel 16:5

As tra va ree David er jeet gys Bahurim, cur-my-ner, haink magh veih dooinney jeh kynney Saul, va’n ennym echey Shimei, mac Gera: haink eh magh, as gweeaghyn kinjagh myr haink eh.

2 Samuel 16:9

Eisht dooyrt Abishai mac Zeruiah rish y ree, Cre’n-fa ghoghe yn moddey custey shoh er dy ghweeaghyn da my hiarn y ree? lhig dou goll noon, ta mee guee ort, as giarey’n kione jeh.

2 Samuel 3:8

Eisht va Abner feer fargagh ec goan Ish-bosheth, as dooyrt eh, Vel oo dy my hoiaghey myr moddey noi Judah, mish ta er hoilshaghey kenjallys da thie Saul dt’ayr, da e vraaraghyn, as da e chaarjyn, gys y laa shoh, as cha vel mee er dty livrey seose gys laue Ghavid, dy vel oo nish cur foill my lieh mychione y ven shoh?

2 Samuel 9:8

As chroym eh eh-hene, as dooyrt eh, Cre ta dty harvaant, dy jinnagh oo jeeaghyn orrym’s nagh vel veg share na moddey marroo?

1 Reeaghyn 20:10

As hug Ben-hadad fys huggey, as dooyrt eh, Myr shen dy jean ny jeeghyn rhym’s, as ny smoo neesht, my nee joan Samaria shirveish son lane duirn da ooilley’n pobble ta ec my voynyn.

2 Reeaghyn 8:13

As dooyrt Hazael, Ny lhig eh Jee: vel oo goaill dty harvaant dy ve moddey, mee dy yannoo lheid yn olk mooar shoh? As dreggyr Elisha, Ta’n Chiarn er hoilshaghey dooys dy bee uss dty ree harrish Syria.

Raaghyn Creeney 26:2

Myr ta’n ushag ayns rouail, as y ghollan-gheayee ayns getlagh, myr shen cha jig yn mollaght gyn-oyr.

Earrooyn 22:6

Tar nish, ta mee guee ort, er-y-fa shen, cur dty vollaght er y pobble shoh er my hon; son t’ad ro niartal dou; foddee dy voym y varriaght orroo, dy vod shin ad y woalley, as ad y chlo ass y cheer: son er-lhiam dy vel eshyn bannit t’ou uss dy vannaghey, as dy bee eshyn mollaghtagh, t’ou uss coyrt dty vollaght er.

Briwnyn 9:27

As hie ad magh trooid ny magheryn, roostey ny garaghyn-feeyney, as ren ad feeyn, as v’ad gennal, as hie ad gys thie yn jee oc, as ren ad gee as giu, as ghwee ad mollaght er Abimelech.

1 Samuel 14:12

As dreggyr deiney’n gharrison Jonathan as e armyder, as dooyrt ad, Tar-jee seose hooin, as jeeagh mayd red ennagh diu. As dooyrt Jonathan rish e armyder, Tar seose my yeï; son ta’n Chiarn er livrey ad gys laue Israel.

1 Samuel 24:14

Quoi ny lurg ta ree Israel er jeet magh? quoi eh t’ou geiyrt er? er moddey marroo, er jargan.

1 Samuel 24:15

Dy bee yn Chiarn er-y-fa shen ny vriw, as dy jean eh briwnys eddyr mish as uss, as fakin, as goaill seose my chooish, as m’y livrey ass dty laue.