1 Samuel 17:37 - Yn Vible Casherick 1775 1819

³⁷ Dooyrt David ny-sodjey, Yn Chiarn ren mish y livrey ass croag y lion, as veih croag y vuc-awin, eshyn nee m’y livrey ass laue yn Philistine shoh. As dooyrt Saul rish David, Gow er dty hoshiaght, as y Chiarn dy row mayrt.

1 Samuel 17:37 ပူးပေါင်းရင်းမြစ်များ

2 Samuel 10:12

Bee jeh cree mie, as lhig dooin caggey myr deiney son y pobble ain, as son ard-valjyn y Jee ain: as aigney-mie’n Chiarn dy row jeant.

1 Recortyssyn 22:11

Nish my vac, yn Chiarn dy row mayrt; as gow er dty hoshiaght lesh aïgh mie, as trog thie yn Chiarn dty Yee, myr t’eh er ghra, my-dty-chione.

1 Recortyssyn 22:16

Dy airh, argid, prash, as yiarn, erskyn earroo. Trog ort, er-y-fa shen, as gow er dty hoshiaght, as y Chiarn dy row mayrt.

Psalmyn 11:1

Ayns y Chiarn ta mish cur my hreishteil, kys dy vel shiu gra eisht rish m’annym, ee dy chosney ersooyl myr eean gys y chronk?

Psalmyn 118:6

Ta’n Chiarn er my lieh’s: cha bee aggle orrym jeh ny oddys dooinney y yannoo rhym.

Psalmyn 138:3

Tra deïe mee ort, ren oo m’y chlashtyn: as m’annym y choamrey lesh mooarane niart.

Psalmyn 63:7

Nagh vel mee er chooinaghtyn ort’s ayns my lhiabbee: as er smooinaghtyn ort tra va mee doostey?

Psalmyn 77:11

Nee’m cooinaghtyn er obbraghyn y Chiarn: as tayrn-ym gys my smooinaghtyn ny yindyssyn ayd’s ayns y chenn earish.

Daniel 3:17

My she shen myr te, ta slane fort ec y Jee ain, ta shin dy hirveish, dy livrey shin veih’n choirrey aileagh-loshtee, as nee eh shinyn y livrey ass dty laueyn’s, O ree.

Joshua 1:17

Myr hug shin biallys da Moses ayns dy chooilley nhee, myr shen nee mayd geaishtagh rhyt’s: as dy row yn Chiarn dty Yee mayrt, myr v’eh marish Moses.

Ruth 2:4

As cur-my-ner, haink Boaz veih Beth-lehem, as dooyrt eh rish ny beayneeyn, Dy row yn Chiarn mêriu. As dreggyr ad, Dy jean y Chiarn dty vannaghey.

1 Samuel 17:36

Varr dty harvaant chammah yn lion, as y vuc-awin; as bee’n Philistine chymmyltagh shoh myr unnane jeusyn, fakin dy vel eh er choyrt y-lane fo armeeyn y Jee bio.

1 Samuel 17:38

As ren Saul David y choamrey lesh eilley-caggee, as hug eh bayrn-caggee prashey er e chione; hug eh er myrgeddin cooat-caggee.

1 Samuel 20:13

Dy jean y Chiarn myr shen as ny smoo rish Jonathan: agh my te ayns cree my ayrey dy yannoo olk dhyt, eisht neem’s shen y hoilshaghey dhyt, as oo y choyrt ersooyl, dy vod oo goll ayns shee: as dy row’n Chiarn mayrt, myr v’eh marish m’ayr.

1 Samuel 24:19

Son my ta dooinney geddyn e noid, jean eh yn raad y lhiggey da? Dy jean y Chiarn er-y-fa shen uss y chooilleeney dy mie son ny t’ou er n’yannoo rhym er y laa shoh.

1 Samuel 26:25

Eisht dooyrt Saul rish David, Bannit dy row uss, my vac Ghavid: nee uss chammah reddyn mooar y yannoo, as nee oo myrgeddin dy kinjagh bishaghey. Myr shen hie David roish, as hyndaa Saul gys e ynnyd.

1 Samuel 7:12

Eisht ghow Samuel clagh, as hoie eh eh eddyr Mizpeh as Shen, as denmys eh eh Eben-ezer, gra, Choud shoh ta’n Chiarn er chooney lhien.