1 Samuel 17:34 - Yn Vible Casherick 1775 1819

³⁴ As dooyrt David rish Saul, Va dty harvaant freayll kirree e ayrey, as haink lion, as muc-awin, as ghow dagh fer jeu eayn ass y chioltane.

1 Samuel 17:34 ပူးပေါင်းရင်းမြစ်များ

Genesis 31:39

Shen ny va raipit liorish beishtyn, cha dug mee lhiam hood: ghow mee yn coayl orrym pene; mish hass roish edyr eh ve geiddit ’sy laa, ny geiddit ’syn oie.

2 Samuel 17:8

Son, (dooyrt Hushai,) shione dhyt dt’ayr as e gheiney, dy vel ad deiney niartal, as t’ad brasnit ayns nyn aignaghyn, myr muc-awin ta e quallianyn goit vo-ee ’sy vagher: as ta dt’ayr ny ghooinney caggee, nagh gow aaght marish y pobble.

2 Samuel 23:20

As Benaiah, mac Jehoiada, mac dy ghooinney dunnal, jeh Kabzeel, va eh-hene dy mennick er phrowal e ghunnallys, varr eh daa Voabite, deiney myr lionyn: hie eh sheese myrgeddin, as varr eh lion ayns ooig, ayns earish sniaghtee.

1 Recortyssyn 11:22

Benaiah mac Jehoiada, mac dy ghooinney mooar caggee ayns Kabzeel va dy mennick er choyrt prowal jeh e ghunnallys: varr eh daa ghooinney myr lionyn ec Moab: hie eh sheese myrgeddin as varr eh lion ayns ooig, er laa sniaghtee.

Psalmyn 143:5

Agh foast ta mee cooinaghtyn er y traa t’er n’gholl shaghey; ta mee smooinaghtyn dy dowin er ooilley dty obbraghyn: ta mee dy jarroo baarail mee hene ayns obbraghyn dty laueyn.

Ezekiel 34:12

Myr ta bochilley shirrey magh e hioltane, er y laa t’eh mastey e chirree t’er nyn skeayley; myr shen neem’s shirrey magh my chirree, as livrey-ym ad veih dy chooilley voayl, raad t’ad er ve er nyn skeayley ’sy laa bodjallagh as dorraghey.

Amos 3:12

Shoh myr ta’n Chiarn dy ghra, Myr ta’n bochilley goaill ass beeal yn lion daa chass, ny peesh dy chleaysh; myr shen vees cloan Israel, ta cummal ayns Samaria as Damascus, er ny livrey myr veih corneil lhiabbagh, ny cooill lhiaght.

Zechariah 11:16

Son cur-my-ner, trog-yms seose bochilley ayns y cheer, nagh jean jeeaghyn lurg ny [kirree] cailjey, chamoo shirrey son yn eayn, ny lheihys adsyn ta doghanit, ny gymmyrkey lesh shen ta er-troggloo: agh ee-ys eh feill ny roauyree, as raipee eh ny yngnyn oc ayns peeshyn.

Zechariah 9:7

As goym ersooyl yn uill echey ass e veeal, as e eajeeys veih eddyr e eeacklyn: agh eshyn t’er-mayrn, eer eshyn vees lesh y Jee ain, as bee eh myr kiannoort ayns Judah, as bee Ekron myr y Jebusite.

Noo Luke 2:8

Nish v’ayns y cheer cheddin bochillyn mooie er y vagher freayll arrey er nyn shioltaneyn ’syn oie.

Noo Ean 10:11

Mish y bochilley mie: ta’n bochilley mie cur e vioys son ny kirree.

Romanee 5:4

As meenid, prowal; as prowal treishteil;

Hebrewnee 11:33

Ren trooid credjue yn varriaght y gheddyn harrish reeriaghtyn, dobbree ad cairys, hooar gialdynyn jeant mie daue, yeigh beïll lionyn,

Ashlish 13:2

As va’n veisht honnick mee goll-rish leopard, as va ny cassyn echey myr cassyn bear, as e veeal myr beeal lion: as hug y dragon e phooar da as e stoyl, as reill mooar.

Briwnyn 14:6

As haink Spyrryd y Chiarn dy niartal er; as raip eh eh myr raipagh eh mannan, as cha row veg echey ny laue: agh cha dinsh eh da e ayr ny e voir cre v’eh er n’yannoo.

1 Samuel 17:15

Agh hyndaa David veih Saul, dy vochillagh kirree e ayrey ec Beth-lehem.

1 Samuel 17:33

As dooyrt Saul rish David, Cha vel uss son goll noi’n Philistine shoh dy chaggey rish: son cha vel oo agh dooinney aeg, agh t’eshyn ny ghooinney-caggee veih e aegid.

1 Samuel 17:35

As hie mee er nyn eiyrt’s, as woaill mee ad, as livrey mee ny heayin ass nyn meeal: as tra hyndaa ad orrym, ghow mee ad er y scoarnagh, as woaill mee, as varr mee ad.