1 Samuel 17:32 - Yn Vible Casherick 1775 1819

³² As dooyrt David rish Saul, Ny lhig da dooinney erbee ve lhag-chreeagh kyndagh rishyn: gowee dty harvaant ayns laue dy chaggey rish y Philistine shoh.

1 Samuel 17:32 ပူးပေါင်းရင်းမြစ်များ

Psalmyn 3:6

Cha goym’s aggle roish jeih millaghyn jeh’n sleih: ta er n’irree-magh m’oï er dy chooilley heu.

Isaiah 35:4

Abbyr-jee roosyn ta lhag-chreeagh, Bee-jee dunnal, ny bee aggle erriu; cur-my-ner, hig y Jee euish lesh kerraghey, eer Jee lesh cooilleeney; hig eh, as sauee eh shiu.

Isaiah 7:4

As abbyr rish, Gow tastey, as bee ec fea; ny bee aggle ort, chamoo bee lhag-chreeagh, kyndagh rish daa amman jaaghagh ny maidjyn losht shoh, kyndagh rish farg eulyssagh Rezin marish Syria, as mac Remaliah.

Earrooyn 13:30

As hug Caleb fea er y pobble, kiongoyrt rish Moses, as dooyrt eh, Lhig dooin goll seose jeeragh, as goaill dooin hene eh; son ta fort dy liooar ain dy gheddyn barriaght er.

Earrooyn 14:9

Agh, ny irree-jee magh noi’n Chiarn, chamoo gow-jee aggle roish pobble y cheer; son cha bee ad agh myr greme d’arran dooin; ta’n kemmyrk oc er n’immeeaght voue, as ta’n Chiarn mârin: ny gow-jee aggle roue.

Hebrewnee 12:12

Shen-y-fa trog-jee seose ny laueyn gyn bree, as ny glioonyn annoon.

Joshua 14:12

Nish er-y-fa shen, cur dou yn cheer sleitagh shoh, my-e-chione loayr y Chiarn ’sy laa cheddin; (son cheayll oo ayns y laa shen dy row cloan Anak ayns shen, as dy row ny ard-valjyn mooar as fencit:) my she shen dy bee’n Chiarn lhiam, bee’m eisht abyl dy eiyrt magh ad, myr yiall y Chiarn.

1 Samuel 14:6

As dooyrt Jonathan rish y dooinney aeg e armyder, Tar, as lhig dooin goll harrish gys garrison ny chymmyltee shoh: foddee eh ve dy jean y Chiarn gobbraghey er nyn son: son te’n un chooid da’n Chiarn dy hauail liorish mooarane ny liorish beggan.

1 Samuel 16:18

Eisht dreggyr fer jeh ny sharvaantyn, as dooyrt eh, Cur-my-ner, ta mee er vakin fer jeh mee Jesse yn Beth-lehemite, dy vel eh cloieder schleioil, as dooinney feer dunnal, as dooinney caggee, as tushtagh ayns cooishyn, as persoon stoamey, as ta’n Chiarn mârish.

1 Samuel 17:31

As tra cheayll ad goan Ghavid, haink ad harrystoo fenish Saul; as hug eh fys er e hon.