1 Samuel 17:28 - Yn Vible Casherick 1775 1819

²⁸ As cheayll Eliab e vraar shinney yn glare va eddyr eh as ny deiney; as va corree Eliab er ny ghreesaghey noi David, as dooyrt eh, Cre hug uss ayns shoh? as quoi marish t’ou er n’aagail ny reygyryn shen dy chirree ayns yn aasagh? Shione dou dty voyrn, as mee-reiltys dty chree: cha row chyrrys ayd ayns shoh, agh dy akin y chaggey.

1 Samuel 17:28 ပူးပေါင်းရင်းမြစ်များ

Genesis 37:11

As ren e vraaraghyn troo mysh: agh smooinee e ayr dy dowin er y raa.

Genesis 37:4

As tra honnick e vraaraghyn, dy bynney lesh nyn ayr eh, ny share na ooilley e vraaraghyn, dy dug ad dwoaie da, chamoo loayragh ad dy dooie rish.

Genesis 37:8

As dooyrt e vraaraghyn rish, Jean uss dy jarroo reill harrin? nee ayd’s vees yn ard reill harrin? as wheesh shen smoo dy ghwoaie foast v’oc er, son e ghreamallyn as son e ghoan.

2 Recortyssyn 11:18

As ghow Rehoboam huggey Mahalath inneen Jerimoth mac Ghavid son ben, as Abihail inneen Eliab, mac Jesse:

Psalmyn 35:11

Dirree feanishyn foalsey seose: hug ad reddyn gys my lieh nagh row mee kyndagh jeu.

Raaghyn Creeney 18:19

Ta braar, as corree er, ny s’doillee dy ve cosnit na ard-valley lajer: as ta mee-choardail braaraghyn myr boltyn cashtal.

Raaghyn Creeney 27:4

Ta jymmoose red eulyssagh, as corree mee-reiltagh; agh quoi oddys shassoo roish troo?

Ecclesiastes 4:4

Reesht smooinee mee er ooilley tooilleil dooinney, as er dy chooilley obbyr yeeragh, eer son shoh dy vel e naboo troo mysh. Ta shoh myrgeddin fardail, as seaghney cree.

Noo Mian 10:36

As noidyn dooinney vees adsyn jeh’n lught-thie echey hene.

Noo Mian 27:18

Son va fys echey dy nee ayns goanlys v’ad er chur stiagh eh.

Noo Mark 3:21

As tra cheayll e gheiney-mooinjerey jeh, hie ad magh dy ghoaill eh: son dooyrt ad, T’eh ass e cheeayl.

Jude 1:10

Agh t’ad shoh loayrt dy olkyssagh jeh ny reddyn shen nagh vel ad dy hoiggal: agh shen ny t’ad toiggal dy dooghyssagh, myr beïyn gyn resoon; ayndoo shen t’ad stroie ad-hene.

1 Samuel 16:13

Eisht ghow Samuel yn eairk dy ooil, as ren eh eh y ooilaghey er-lheh veih e vraaraghyn: as haink Spyrryd y Chiarn er David veih’n laa shen magh. Myr shen dirree Samuel, as hie eh gys Ramah.

1 Samuel 16:7

Agh dooyrt y Chiarn rish Samuel, Ny jeeagh er e eddin, ny cre cha thollee t’eh; son dy vel mee er n’obbal eh; son cha vel y Chiarn fakin, myr ta dooinney fakin; son ta dooinney briwnys cordail rish ny t’eh fakin, agh ta’n Chiarn fakin y cree.

1 Samuel 17:29

As dooyrt David, Cre ta mee er n’yannoo? Nagh vel oyr er y hon?