1 Samuel 17:24 - Yn Vible Casherick 1775 1819

²⁴ As tra honnick ooilley sheshaght Israel y dooinney, roie ad er-chea veih, as v’ad dy mooar agglit.

1 Samuel 17:24 ပူးပေါင်းရင်းမြစ်များ

Isaiah 30:17

Nee thousane chea ec oghsan unnane; ec oghsan queig nee shiu roie er-chea; derrey vees shiu faagit myr aile son cowrey-caggee er mullagh slieau, as myr mergey er cronk.

Isaiah 7:2

As ve er ny insh da thie Ghavid, gra, Ta Syria ayns coardail rish Ephraim: as va’n cree echey er ny ghleashagh, as cree e phobble, myr ta biljyn y cheyll er nyn leaystey lesh y gheay.

Leviticus 26:36

As orroosyn vees faagit bio jiuish, ver-yms annooinid cree ayns cheer nyn noidyn; as nee feiyr duillag criht ad y agglaghey; as nee ad chea, myr veih’n chliwe: as nee ad tuittym, tra nagh bee fer er nyn eiyrt’s.

Earrooyn 13:33

As ayns shen honnick shin foawir, mee Anak, sluight ny foawir: as va shin ayns y chilley ain hene myr beishteigyn, as myr shen va shinyn myrgeddin ’sy chilley ocsyn.

Deuteronomy 32:30

Nagh jinnagh eisht un dooinney gimman ersooyl thousane, as daa ghooinney jeih thousaneyn, agh dy row nyn Greg er chreck ad, as y Chiarn er n’yeigh ad seose?

1 Samuel 17:11

Tra cheayll Saul as ooilley Israel goan y Philistine, huitt aggle mooar orroo, as chaill ad nyn gree.

1 Samuel 17:23

As myr v’eh loayrt roo, cur-my-ner, haink y champion, yn Philistine veih Gath, Goliath e ennym, veih armee ny Philistinee, as hug eh y-lane foue, myr ren eh roïe: as cheayll David eh.

1 Samuel 17:25

As dooyrt deiney Israel, Vel shiu er vakin y dooinney shoh t’er jeet seose? son shickyrys dy chur y-lane fo Israel t’eh er jeet: yn dooinney er-y-fa shen varrys eh, nee’n ree eh y chooilleeney lesh mooarane berchys, as ver eh da e inneen, as nee eh thie e ayrey seyr ayns Israel.