1 Samuel 17:20 - Yn Vible Casherick 1775 1819

²⁰ As dirree David dy moghey, as daag eh ny kirree marish bochilley, as ghow eh, as hie eh, myr va Jesse er choyrt currym er; as haink eh gys jeeig y champ, myr va’n armee goll magh dy ghoaill magher, as troggal yn yllagh-caggee.

1 Samuel 17:20 ပူးပေါင်းရင်းမြစ်များ

Noo Luke 19:43

Son hig ny laghyn ort, tra nee dty noidyn jeeg y yannoo mood, as soie-ee ad ad-hene mygeayrt, as cruinnee ad oo stiagh er dy chooilley heu.

Joshua 3:1

As dirree Joshua leah ’sy voghrey; as scugh ad veih Shittim, as haink ad gys Jordan, eshyn as ooilley cloan Israel, as ren ad campal ayns shen roish my jagh ad harrish.

1 Samuel 15:12

As tra dirree Samuel dy moghey dy veeiteil Saul, ve inshit da Samuel, gra, Haink Saul gys Carmel, as cur-my-ner, t’eh er hroggal altar, as er n’gholl er e hoshiaght mygeayrt, as sheese gys Gilgal.

1 Samuel 17:19

Nish va Saul, as adsyn, as ooilley deiney Israel, ayns coan Elah, aarloo son caggey rish ny Philistinee.

1 Samuel 17:21

Son va Israel as ny Philistinee tayrn dy cheilley ayns order-caggee, armee noi armee.

1 Samuel 17:28

As cheayll Eliab e vraar shinney yn glare va eddyr eh as ny deiney; as va corree Eliab er ny ghreesaghey noi David, as dooyrt eh, Cre hug uss ayns shoh? as quoi marish t’ou er n’aagail ny reygyryn shen dy chirree ayns yn aasagh? Shione dou dty voyrn, as mee-reiltys dty chree: cha row chyrrys ayd ayns shoh, agh dy akin y chaggey.

1 Samuel 26:5

As hrog David er, as haink eh er-gerrey da camp Saul: as ghow David baght jeh’n boayl raad va Saul ny lhie, as Abner mac Ner, captan e heshaght-chaggee: as va Saul ny lhie ayns mean y champ, as e gheiney-caggee ooilley mygeayrt-y-mysh.

1 Samuel 26:7

Myr shen haink David as Abishai er y pobble ’syn oie: as cur-my-ner, va Saul ny lhie ny chadley ayns mean y champ, as y shleiy echey soit ’sy thalloo ec e chione: agh va Abner as y pobble nyn lhie cadley mygeayrt-y-mysh.