1 Samuel 17:18 - Yn Vible Casherick 1775 1819

¹⁸ As cur lhiat ny jeih cabbaagyn shoh gys captan y thousane oc, as jeeagh kys ta dty vraaraghyn farrail, as cur lhiat cowrey voue.

1 Samuel 17:18 ပူးပေါင်းရင်းမြစ်များ

Genesis 37:13

As dooyrt Israel rish Joseph, Nagh vel dty vraaraghyn jeeaghyn da’n chioltane ayns Shechem? Tar, as ver-yms oo huc er chaghteraght: As dooyrt eh rish, Ta mee ayns shoh.

Genesis 37:14

As dooyrt eh rish, Immee, ta mee guee ort, jeeagh vel ooilley dy mie marish dty vraaraghyn, as marish ny shioltaneyn; as cur lhiat fys hym’s reesht: Myr shen hug eh magh eh trooid coan Hebron, as haink eh gys Shechem.

2 Samuel 17:29

As mill, as eeym, as kirree, as caashey baa, son beaghey da David as y pobble va mârish: son dooyrt ad, Ta ny deiney accryssagh, as skee, as paagh ’syn aasagh.

Esther 2:11

As huill Mordecai dy chooilley laa roish cooyrt thie ny mraane dy vriaght kys va Esther, as cre’n erree harragh urree.

Lioar Yob 10:10

Nagh vel oo er my heeley myr bainney, as er my vinjaghey myr groo?

Exodus 18:7

As hie Moses magh quail e ayr-’sy-leigh, as ren eh biallys da, as phaag eh eh: as vrie ad mychione slaynt y cheilley: as hie ad stiagh ’sy chabbane.

Jannoo 15:36

As laghyn ny lurg shen dooyrt Paul rish Barnabas, Lhig dooin goll reesht dy yeeaghyn nyn mraaraghyn ayns dy chooilley ard-valley, raad ta shin er phreacheil goo yn Chiarn, dy yeeaghyn kys t’ad.

Briwnyn 18:15

As hyndaa ad gys shen, as haink ad gys y thie raad va’n dooinney aeg yn Levite, eer gys thie Vicah, as vannee ad da.

1 Samuel 16:20

As ghow Jesse lught assyl dy arran, as boteil feeyney, as mannan, as hug eh ad lesh David e vac gys Saul.

1 Samuel 17:19

Nish va Saul, as adsyn, as ooilley deiney Israel, ayns coan Elah, aarloo son caggey rish ny Philistinee.

1 Samuel 25:5

As hug David magh jeih deiney aegey, as dooyrt David rish ny deiney aegey, Immee-jee seose gys Carmel, as gow-jee gys Nabal, as bannee-jee eh ayns m’ennym.

1 Samuel 30:21

As haink David gys y daa cheead dooinney, va cha tooillit nagh voddagh ad geiyrt er David, v’ad myrgeddin êginit dy aagail nyn yeï ec strooan Besor: as hie ad magh quail David, as ny deiney va mârish: as tra haink David er-gerrey da’n pobble, vannee eh ad.